یانە ئەدەب و هونەر فەتە ملای ملۆ کۆڵبەری

فەتە ملای ملۆ کۆڵبەری

74

فەتە ملای ملۆ کۆڵبەری
ئەوەڕۆ واتم بە تاتەیش:«ئانە چی شمەیچ چەنی فەتەی پێسە ئی گردٚوو خەڵکیە مەنەمدێ سەرەوەرێسێو.خەرج ئەپی گرانیە و گۆزەران ئەپی سەختیە تا کەی یانەنە منیشدێرە و هەر تەمادٚارێ کەرەموو خۆدٚایەندێ.خۆ خودٚا نمە کەرۆ کڵاوڕۆچنەرە پەیما.قۆربانەش بۆ خۆدٚا گیان مەر هەروێش بەزەیش بەێوە پۆرەما.نە تڵاما هەن ورەشمێ و نە مڵکما هەن تەمادٚارێ سەمەری بیمێ ئانە مەدٚیە ئا چوار چڵەو تفا یانەو لالۆ حاجیچە ئێساڵ گێرتێم دوەکۆتی،خۆ مزانی ئادٚیچێ پەی بەدٚ شانسی ئێمە تەوەرگێ کوێ. شەڵای بە شەڵای هەر نەگێرتێبیێنم .باوڕت بۆ ئەگەر گزی باڕەکڵەم نەدٚابیێ دێنێشاوە دما.وەروو وێمەرە واتم کەردٚەیش خاسا تا نەکەردٚەیش.»هەرئنەم زانا ترێشقێوم پەی تایێن بی.ماچۆ:«کار کۆن هەرمانە کۆنە دەی خەیر ئەچا کۆڵبەریە و هەربەنەیە ئادٚیچ تا شەوێوە هەن دە شەوێ نیا تۆ چێوێوتەر شکە بەری؟ئەی ئەجۆت وێم مەزانوو ئەگەر پێسە بلۆڕانە مەتاوو نانی وشکیچتا پەی بسانوو.خومن حاڵیم نیا دۆلار چێشا و چەنی مسنیو وچەنی ورەشیۆ.بەڵام تا ماچا دۆلارجە تارانەنە گران بی فەرەجی دووکاندارماچۆ کبریت و مەکیچ گرانێ بیێ.تۆ دۆعێ کەرە نەوەشێ نەگنمێ بە نانە وشکەیچ بۆ مدٚەیمێش سەر.مازیم مێشۆ ئنا من چێشم چینیشا گردٚ کەمتەرا ملا کۆڵبەری.دەی بۆ بارت بەرۆ، ئەوەڕۆ هەتیموو لاو سێکۆچکەی کە تا هیزی نان نەبێ بوەرا وشوانەیچش نەگنێ مشتە و ئیسە بە ملوێنێوی ماچۆ تمەنێو،داش لامەرە ،بوەو عەتریش بنیادٚمی قڕکەرێ .» خۆحەر پێسە مەمەنۆ خودٚا جە سلتان مەحموودٚی گەورەتەرا.» واتم:« دەی قەیدٚوو چێشی کەرۆ،دەشەوێ شەوێوەیچ بۆ حەر چانەیە خاستەرا یانەنە بنیشیەرە.بێکاری ئاژاولێ وەشەکەرۆ.لوە فەتەیچ بەرەچەنی وێت.پاسەمەدٚیە فەتەیەرە خۆ ئەگەرکۆچێو ورد وژیرٚ نیا بەڵام زۆردارا.ئنەو دوێ پیایا قەوەتا.تۆ و فەتە پێوەرە دوێ کۆڵێ باردێ،با کۆڵەکەو فەتەی دالێو قۆرستەر بۆ و هنەکەو تۆ سووکتەر.ئادٚجوانتەرا و زۆدارتەر.بەڵام با چێوێوتا پەنە واچوو.نەدٚەیدێ دلێ مڵکا خەڵکی .کەلێشا نەوڕندێ،لەق و پۆپوو درەختەکاشا نەماڕدێ،هانەکڵەکاشا پیس و پۆخڵێ نەکەردێ.بزاندێ چکۆ پەی حاجەتی منیشدێرە،نەدٚیەیدێ پەی ژەنو زاڕۆڵەو خەڵکی،ڕێک هۆرس و نیشت کەردێ.با نانتا حەراڵ بۆ.ئا خەڵکیچا کە ئینا ئەپا مەرزانە نان و بژیویشا ئینا سەروو ئا چوار تەڵانە مڵکیە و دەی ئەگەرشمە خاپوورش کەردێ و هەڕەش دەیدێ پەوئادٚێ چێش بوەرا و چێش کەرا.ئانا چا وەرێسەو هەرە بۆریم هۆر گێرتێنە. حەر پەی کۆڵی ناڵۆ.ئادٚ وێش لوا کەوتەرە و تۆپا!بەڵام چێوێوتەریچ هەن با پەنەت واچوو،فەتە زاڕۆڵەن و کەم تەجربە و نەفام،وێتا نەدٚەیدێ دەسوو مەعمووراوە ئەگەر گێراتا هەم زیندٚانیێتا کەرا و هەم جەریمەی قۆرس منیا پاتا.سەرەش قنگەوبابەو ساحیب باری هەر ئامێتا پەی کۆڵ و مۆڵ فڕەدەیدێ و بەر بشدێ.فەتەی حاڵی کەرە لکە کۆرێ نەدٚۆنە وەرێسەکێ با ڕەحەت پەیش کریۆوە و فڕەش دۆ!حەر دەسشا کەردٚ تفەنگ تەقنای نەڕەمدێ و بنیشدێرە تا تەقەکە مدرۆوە گرۆڵیەی وێڵە شەرمش نیا جە کەسی،کۆشیایدێ من هەڕەو کۆگەی کەروو سەرەمەرە کێ نانێوە پەی من و سەلتێ بەربارۆ!
«وەلی فەتاحی»

19/4/97

کوڵبەر
  • وەڵبەنڎ و دمابەنڎ  

    وەڵبەنڎ و دمابەنڎ Preposition  & postposition وەڵبەنڎ :  حرف جر : واتێوەنە  _ مورفیمێو…
  • واچەنامەی هەورامی- ئێنگلیسی-فارسی

    “واچەنامەی هەورامی- ئێنگلیسی- فارسی” نویستەو موحەمەدشەریف یوسفی ڕوانەو بازارو …
  • حەیاتیٛ

    حەیاتیٛ تەقەلاوو ساڵێوێم جە غەریبیەنە پەی یۆسەی زایفێوێ دماش ئاما . ئەوەڵەو مشیۆم واچوو کە…
  • وەڵبەنڎ و دمابەنڎ  

    وەڵبەنڎ و دمابەنڎ Preposition  & postposition وەڵبەنڎ :  حرف جر : واتێوەنە  _ مورفیمێو…
  • واچەنامەی هەورامی- ئێنگلیسی-فارسی

    “واچەنامەی هەورامی- ئێنگلیسی- فارسی” نویستەو موحەمەدشەریف یوسفی ڕوانەو بازارو …
  • حەیاتیٛ

    حەیاتیٛ تەقەلاوو ساڵێوێم جە غەریبیەنە پەی یۆسەی زایفێوێ دماش ئاما . ئەوەڵەو مشیۆم واچوو کە…
 hewraman
  • وەرموو نەزانی

    وەرموو نەزانی   قەپ قەپش کەردە بێ، جواوو کڵاشپای نەدٚێوە. منیچ کولینەم گەرمە بێ. ئارۆ…
  • مه‌حاكمه‌و به‌قوو قه‌فه‌سی

    مه‌حاكمه‌و به‌قوو قه‌فه‌سی حه‌ر پاسه‌ گردێما مزانمێ به‌قوو قه‌فه‌سی جه‌ لاو فره‌و كه‌ساوه …
  • میراس

    میراس یەک هەفتەن سۆحیە هەتا وێرەگا دەورشەنە مەنیشارە. چایی موەران. قسێ مەکەران. غەیبەتوو ئ…
Load More In ئەدەب و هونەر

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

وەڵبەنڎ و دمابەنڎ  

وەڵبەنڎ و دمابەنڎ Preposition  & postposition وەڵبەنڎ :  حرف جر : واتێوەنە  _ مورفیمێو…