یانە گردین بازسازی ڕواڵەتو بانووێ ۷۰۰۰ ساڵیٛ تارانییٛ

بازسازی ڕواڵەتو بانووێ ۷۰۰۰ ساڵیٛ تارانییٛ

95

بازسازی ڕواڵەتو بانووێ ۷۰۰۰ ساڵیٛ تارانییٛ

ساڵەو ۱۳۹۳ێ ڕۆجیاری دماو کەنەو و هۆرکڵاشتەو خیابانو”مولوی”جە لاو شێرکەتوئاوفازڵاو(گوئاو)شاروتارانی،
ئێسکلێت”و ئانزانێ کەوت جبەر کە ویەردەو و دێرینەش مگێڵۆوە پەی ۷۰۰۰ ساڵێ چیوەڵی.
چاساڵەنەکۆششوژیری کناچێوە مسیارو باستانشناسی بەنامێ”مهسا وهابی” کە گوزەرو هۆرکەتیش جەلاو هەرمانەو شێرکەتو ئاو وفازڵاوی جە خیابانو مەولەوی تارانی،بێ سەبەبو ئێستەیەو ئی ( پەیکەریە ) ئێسکلێتیە.ئی کناچێ جە پەیوەندی چەنی زانشتگای و شۆنیشەرە،پەیجۆری و کۆششو کارشناساو باستانشناسی وهەمکاری شارداریو شارو تارانی،پەردە سەرو یۆ جە نهانێ ئێنسان شناسی چن هەزارساڵە لاشی وسەلمیا کە ئی ئێسکلێتە هینو ژەنی میانساڵەی ناوەشێ بیەن کە ۷۰۰۰ ساڵێ چیوەڵی و چی بەشە جەتارانی گەورەی توشیارو نەوەشیوە عفونی ئاماینە و ئەسپەردەو خاکی کریاینە وپیجۆرە لاپەڕێوە زەڕین جە ویەردەوئێرانی باستانی و تایبە کەڵەشارو تارانی وێش دیاری دا و کەوت جبەر.
دماو بەرئاماو ئی ئێسکلێتەیە جە دلێو خاکیەنە و پەی بەرئاوەرد و مەزەنەی تاریخی،دریا بە زانشمەند و کارشناسێ دێرینەشناس و پێشەوپەڵاو و ئێسخوانو ئی ئێسکلێتە ۷۰۰۰ساڵە جەبارەو تاوتوی تاریخی و کۆن شناسی و یەردەشناسی کەوت چیرو کنوکاش و هەرمانێ زانشتی و پی بۆنەو و پەی ڕواڵەت شناسی ئی بانوێ ۷۰۰۰ساڵێ وبازسازی چڕوچەمیش جە چن ڕەوشێ جۆراجۆر پسەو ڕەوشێ شناسایی”یەرەدیمی”(سەبعدی)وئەڵبەتە بە کومەکو کامپیوتری کەڵک گیریا.
بەهرەگیری جە ڕەوشو”فتۆئێسکەن”ی و کەڵک گێرتەی جە وێنەی کامپیوتری پەی نەخشەی”فتۆگرامێتری”پسەو:خاڵ٫خەت٫و تۆپۆششی ئی ئێسکلێتیە ئەنجام بی.
شۆنیشەرە نەخشەو ئێسکلێتەکەی بە شێوازو یەرەچەمی بەرئاما و گردو ئەندامیش پسەو شکڵ و تەشکو ئانزانی وێش گێرت. دماتەر بە پاو”دایۆ ئەنازەی(تقارن هندسە)ئەندامو ئانزانی، تەشکی ئەسڵی ئێسکلێتەکەی وەش بی و بە پاو شێوازو ئەرەکێشیا و ئێژیایرە ،مودێلێ چی ڕواڵەتیە وێش نمانا.
پەی مودێلو”جمجمە”و و تەپۆڵکێ سەرەیچ،جە ۱۱ تایبەتمەندی پسەو:چەمێ٫لوتە٫گۆشێ٫گۆنا٫لەبۆس و لچێ٫و زنجی کەڵک گیریا وبە کومەکو بەرنامێ وەڵکەوتێ کامپیوتری،خۆڵقناو تەشکی سەرشاوە ئەنجام بی.
ڕەنگو پۆس و مو ئی بانو ۷۰۰۰ساڵێ بە پاو ئەندام و شێوازو چڕوچەمیش هۆرچنیا.(وەروئانەی هیچ سەرنەخێ چی بارەو بەدەس ناما بێ).
پەی بازسازی و دوبارەخۆڵقناو ڕواڵەتو ئی بانو۷۰۰۰ساڵێ جەپەنج بەرنامێ گەورێ و ئێستانداردی کامپیوتری وەڵکەوتەی جهانی جە زەمینەو مودێل سازی ئێستفادە بیەن و بە وردی و تێژبینی هەرمانەش سەرۆکریان.

بە پەیلواو کارشناساو ویەردەشناسی تا نزیکو ۹٥٪ئەسڵ و ئەساسو ئی ڕواڵەتەیە بەدەس ئامان و بە ڕێکی و دروسی فرە نزیکەن.

زینەکەردەیو ەو چڕوچەمو بانوێ ۷۰۰۰ ساڵیٛ تارانییٛ

زانیاری و ئاگایی فرەتەر:
وەڵێو ئێستەو ئی ئێسکلێتە ۷۰۰۰ساڵەی،تاریخو ژیواو ئانزانی بە پاو شۆنەما ئێزیاکاو تەپەو”قیطریه”ی جە سەرنیشتو شارو تارانی،گێڵێوە پەی ۳۰۰۰هەزار ساڵێ چیوەڵی کە شۆنەو جبەر کەوتەو ئی ئێسکلێتەیە جە ساڵەو ۱۳۹۳ێ ڕۆجیاری، ویەردەو ژیوا و نیشتگای شاریو شارو تارانی مگێڵۆوە پەی هەزارەو پەنجەمو وەڵێ عیسای یانی ۷۰۰۰ ساڵێ چیوەڵ.
ڕاسەرو ئی ئێسکلێتیە،گۆزەڵێ هەڕینیچا ئێستێنۆ کەخەیلێ چەنی گۆزەڵێو”چشمە علی”شارو ڕەی(شهرری) وهەرپاسە تەپەو”سیَلک”وکاشانی جە بارەو فەرهەنگ و ئاژەو ژیوا و… یۆی مشا و فرە ئەو یۆی نزیکێنی.

ئی ئێسکلێتە(پێشە و پەڵا)ئیسەتی ئینا جە موزەو ئێرانی باستانی و دیەیش پەی گردکەسی تایبە،دۆستداراو تاریخ و فەرهەنگو ئێرانی،جالب و یاگێ سەرنجیەن.

 

جە موٙزەو ئیرانی باستانی

 hewraman
Load More In گردین

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

زیانیٛو پاڵای پاژنە بەرزی پەی خانما

زیانیٛو پاڵای پاژنە بەرزی پەی خانما فرەو ژەنا دلێ زەماونڎ و مێمانیا و…حەز مکەرا پاڵا…