یانە ئەدەب و هونەر ڕازەومامۆ شێری و مامۆ وەرگی و ماما ڕواسیٛ

ڕازەومامۆ شێری و مامۆ وەرگی و ماما ڕواسیٛ

124

 

ڕازەومامۆ شێری و مامۆ وەرگی و ماما ڕواسیٛ
ماچۆ:شێرێو و وەرگێو و ڕواسێوە لوێ پەی ڕاوێ، گۆرەکڵێو و بزڵێو و هەورێشێوشا گێرتێ و ئاردٚێشاوە کە بەششا کەرا، دیارا مامۆ شێر سڵتانوو جەنگەڵیا و مشیوم ئادٚ دەسوور فەرماوۆ کە بەشکریا ، ماچۆ بە مامۆ وەرگی ئادەی جەنابوو وەرگی بەششا کەرە، وەرگیچ فرە بە سووکوو ئاسان ماچۆ: چوون مامۆ شێر زلتەرا دیارا گۆرەکڵەکە پەی ئادٚی،بزڵەکە پەی من و هەورێشەکەیچ پەی ماما ڕواسێ ، ماما ڕواسە چوون کەوتێ بێوە ئاخروو نۆعوو بەشکەردٚەکەی تەوهین بە وێش زانێ ، زەردٚە خوێوی مانادارش کەردٚ بە جۆرێ جە جۆرا کە مامۆ شێری هەمڕاو وێش کەرۆ ، مامۆ شێریچ بە بێ پەرسوو جۆ و بێ هیچ فکرۆ کەردٚێوی مەنتێقی چەپاڵێوش دا بەرەو دەموو وەرگی و وەرگ سەراو نقوون بی ، بێ شک ماما ڕواسە وەشش ئاما چوون هەدەفەکەش هەرئانە بێ کە وەرگی دۆ شەقێ ، ئیجا شێرماچۆ: ئادەی ماما تۆ بەششا کەرە ، مامایچ فرە بە زۆڵانە و سەردەمیانە ماچۆ: دەی ماما بۆ سەدٚەقەت بەشکەردٚەیشا چێشا؟ گۆرەکڵەکە پەی سبحانەیت،بزڵەکە پەی نیمەڕۆیت، هەورێشەکە پەی وێرەگایت ، شێر ماچۆ: ئەی شمە چێش موەردێ ، ماما ڕواسە ماچۆ: قوربانەت بوو پێشەو پەڵا و هەرچی جە جەنابیتا مەنۆ ئێمە ئانەیچە سەروو زیادٚیمانە!

شێر فەرماواش باریکەڵڵا ئینە ئی بەشکەردٚەیە چکۆ فێرە بیێنی؟ ماما ماچۆ: چاگە کە دات بەرەو دەموو مامۆ وەرگی!!


وەلی فەتاحی
96/9/9

 hewraman
  • خێزنای شیٛعریٛ و ئایرەکاش

    خێزنای شیٛعریٛ و ئایرەکاش عادل محەمەد پور زەنجیرە باسێوە تێئۆریکیێ شێعرێ سەردەمیانێ * بەشو…
  • ئەحمەق

    ئەحمەق نویـسەر: ئانتوان چێخۆف هوٙرگیٛڵنای جە ئێنگلیسیوە: فەرشید ڕوستەمی چن ڕوێ چێوەڵتەر یو…
  • فەتە دیپلوٙمش گیٛرتەن

    مامۆژەن«عەینا»ومامۆ«عەبە» وەشیێ وەختا با ئاندٚەتەر. جەوەشیێنە پاشا ئەرە زەمین مەگنۆ. «فەتە…
Load More In ئەدەب و هونەر

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئایا کەشتیو حەزرەتو نوحی ئیٛرانەنە نیشتەنۆ؟

ئایا کەشتیو حەزرەتو نوحی ئیٛرانەنە نیشتەنۆ؟ بەپاو هەواڵو تیمو تاوتوکارێ”ئەنستیتو پەی…