یانە ئەدەب و هونەر چی جە شێعرێ نەوێ مەیاومێنە؟

چی جە شێعرێ نەوێ مەیاومێنە؟

117

چی جە شێعرێ نەوێ مەیاومێنە؟

ئەگەر بڕیار بۆ ئاستووتاکینە ئەدەب خودی زاتی بۆ،بەروزوو ناخوو کەسی بۆ، پەرسەو دلێ تاکی و ناخوو تاکی بۆ، هاڵیبیەیۆ تاکی بۆ جە تەماموو چێوەکا دلێ ژیوای پاک وپیسۆ،یان ئەگەر بڕیار بۆ ئاستەکەی تەرنە ئاستوو گردی ئەدەب بابەتی(موضوعی)بۆ،قسێ سەروو فاکتی و دیاردەی کەرۆ،پەنجێ وزۆ سەروو چێوەکا،پرسەکاورووژنۆ،یان جوابوو پەرسەکاش پەنەبۆ،سەردەموو ئیسەی وەڵێکەوتەی مۆدێرنەینە ئینسان کە پەڕا پەرسێ تایبەتێ و واقیعیێ و پەڕا جەنگێ دەسەویەخێ چەنی ژیوای وێش، ئینسانوو ئیسەی مەردەو دلێ تەکنۆلۆژیاین کوشتەو دلێ جەنگەکان کە مۆدێرنە ورشاگیسنۆ، ئینسانوو ئیسەی وەختێنە ئاسن و ئامێر تەحەکومش کەرا، وەختێنە یەرەژەمەی دووکەڵ ورلووشۆ، ئەفسانە فریاش مەگنۆ، خەیاڵ داڐش مەڐۆ،مشۆم ئینسان چێوەکاو دلێ ژیوایش پێسە وێش وینۆ، پا شکڵە کە هەنێ نەک پا شکڵە کە وێش حەزکەرۆبا، چێوە شاعێری نەوگەرا مشۆم چەمێش واقیعوینێ با،عەدەسەو خەیاڵی و گەورەکەردەی و گولانەکەردەیۆ داڐو ئی سەردەمی مەڐۆ،چی سەردەمنە ئینسانەکێ پەڕێنێ ماسک و پۆژیێنێرە مەکریۆ جارێ تەر،تۆ ڕاو شێعرێ ئەفسانە سەنتەرێ و خەیاڵ سەنتەرێوە جارێ تەر پۆژنیشارە،ئیتر کاروو شێعرێ نەوێ چێوە دەس پەنەکەرۆ،جیاوازتەر چانەی فۆڕمش هەن، یان نا کێشش هەن ساختارش ماڕان، نەماڕانش… مشۆم پەرسەی جیددییە و هەقەتینەش‌، پەرسەو دلێش‌ پەرسێ ئینسانییانێ ئیسەییانێ بۆ.

ئینسانی گرفتاروو ئیسەی نیازمەند بە واقیعێن جبەروو ئی واقیعەیۆ کە ئیسە کوشتەو دەسیشا، ئانەیچ بە ڕەمای نیا چەنەش،پانەی کە تۆ سەیەو ئەفسانەینە یان خەیاڵینە پاسه زانی نەجاتت بیەن، تەسەوری ئەفسانەیی و خەیاڵی و لەززەتبەخش تەنیا چارێ خەیاڵین و پێسەن عیلاجێ موسەکێنی،شێعرەی نەوە ملۆ دلێ نەوەشییەکارە، ڕا تاریکەکێ گێرۆ وەر،تا یاوۆ ڕۆشنایی نەوەشییەکەی پێسە وێش وینوو، دڵوەشیی نەوەشینەکەی مەکەرۆ، نەوەشییەکەش چەنە مەشارۆوە،بەزێش نمێوە پۆرشرە،داماگیش مەوزۆ وەر ڕێک پەنەش ماچۆ سەرەتانتا،وتا ئاننە کە تاوۆ ڕاچارەش نیشانە مڐۆ.
چێگەوەن کەس جە شێعرێ نەوێ مەیاوۆنە،نەوبییەی شێعرێ نەوێ ئا ئازادییە کە هەنش ڕاو فرەترین و پەرسەکاش چەنە بۆوە،سایکۆلۆجیا و سۆسیۆلۆجیا وفەلسەفە وئەنتۆلۆجیا و ئاین …. و…
ئیتر ئەرکووشێعرێ نەوێ قورسا ئننەو قورسیی باروو سەروو شانەو ئینسانوو ئیسەی،ئێمە سەردەمێنە شیعرەی نەوە منویسمێ سەردەموو تلیاکی و شێرپەنجەی و کوشتەی بەناهەقی و سەردەموو خوایەتیی ئەمەریکا و کۆریای و باڵادەسیی عەقڵە ئامێرییەکەو ئینسانین ملوو عەقڵە مرۆییەکەیشرە.
شێعرەی نەوە مشۆم جوابوو تەمامووئی پەرسا بڐۆوە،مشۆم نەتەرسەبۆ و ئاویرەکەرە بلۆ،مشۆم تاریکییەکەی بڕۆ تا یاوۆ ڕۆشنایی،چێگەوە قورسیی باروو شێعرەکی قورسیی شێعرەکێ وێچشا، شپرزەیی باروو شێعرەکێ شپرزەیی شێعرەکێ وێچشا،پێچی و پڕچیای شێعرەکێ شپرزی وپڕچیای ئاژەو کۆمەڵایەتی، سیاسی،بازرگانی…..
ئینەپا نۆعە نمێ کەشپرزیی شێعرەکی ناتەمامیشاشێعرەی نەوە شێعرێ تەمامەی شپرزەنەوەردەنگی ژیر شپرزەیی وێش کۆکەرۆوە تا مەڕیۆ ملوو شپرزەیی شێعرەکێچرە و کۆش کەرۆوە و یاوۆشەنە.

سوهەیب فاروق

 hewraman
  • خێزنای شیٛعریٛ و ئایرەکاش

    خێزنای شیٛعریٛ و ئایرەکاش عادل محەمەد پور زەنجیرە باسێوە تێئۆریکیێ شێعرێ سەردەمیانێ * بەشو…
  • ئەحمەق

    ئەحمەق نویـسەر: ئانتوان چێخۆف هوٙرگیٛڵنای جە ئێنگلیسیوە: فەرشید ڕوستەمی چن ڕوێ چێوەڵتەر یو…
  • فەتە دیپلوٙمش گیٛرتەن

    مامۆژەن«عەینا»ومامۆ«عەبە» وەشیێ وەختا با ئاندٚەتەر. جەوەشیێنە پاشا ئەرە زەمین مەگنۆ. «فەتە…
Load More In ئەدەب و هونەر

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئایا کەشتیو حەزرەتو نوحی ئیٛرانەنە نیشتەنۆ؟

ئایا کەشتیو حەزرەتو نوحی ئیٛرانەنە نیشتەنۆ؟ بەپاو هەواڵو تیمو تاوتوکارێ”ئەنستیتو پەی…