یانە زانای بوەی ناوەشەو دەمی

بوەی ناوەشەو دەمی

198

بوەی ناوەشەو دەمی

فرەو ئانزانەکا ئەگەر پەی ڕوێوەیچ بوٙ بوەو دەمیشا گولە و ناوەشە بوٙنە ، هوٙکارەکەش گیٛڵوٙوە پەی گرفتەو دروستی لاشەی و جوٙرو وەردەی ،گرنگی نەڎای بەپاکوتەمیزی دەم و دڎانی ، فەرماودیٛ چنڎ نونگێوە کە بوەو دەمی گولەکەرا و چەنیەتی چارەسەرکەردەیش :

یڤە : سووربیەیوەو گیریای لووتیٛ : بەتایبە وەختو هەوکەردەی کیسەکاو لوتیٛنە ” sinusitis  ”  یام حەساسیەتو دلیٛ لووتیٛ ، هوٙکارێوە سەرینین پەی ناوەش بیەو تامو بوەو دەمی ، پەی چارەسەرکەردەی ، دەرمان و چارەسەرو هەوکەردەی کیسەکاو لووتیٛ ، یام نەشترگەری ، گەرم پۆژنایرەو لووتیٛ کۆمەکو خاس بیەیوە کەروٙ .

دڤیٛ : هەوکەردەی گەڎیٛ : ڕاپوٙرتە پزیشکیەکیٛ ماچا نیمەو خەڵکی هەوکەردێوە تایبەو گەڎیٛ “مەعیٛدە” یشا هەن ، وەلێ بەویٛشا نمەزانا کە مەعیدەشا نەوەشا ، چون نیشانیٛش بەر مەگنا ، یام وەختو زەخمو گەڎیٛنە بوەو دەمی گولە بوٙنە ، پەی چارەسەرو ئی حاڵەتیە ، وشکنای تایبە پەی گەڎیٛ ئەنجام دریوٙ و دەرمان و چارەسەرش کریوٙ .

یەریٛ : واردە : جوٙرو واردەی : بڕێ واردەمەنییٛ هەنیٛ  با بە هوٙکارو بەرهەم ئاردەی ئامۆنیای لاشەنە ، پیٛسەو گوٙشتی ، هەرپاسە سیرو پیاز تام و بوٙشا گولا ، فرەواردەیۆ مادە کهولیەکا هەکە نمازا لیکەی فریٛ مجیوٙنە دلیٛ دەمی ، پەی چارەسەری ، مەشوٙ وازباری چا جوٙرە واردەمەنیا .

چوار : نەوەشی وڵکی : ئەگەر وڵکیٛ نەوەشیٛ با ئتر نمەتاوا بەتەمامی پاڵفتەو ئایونە زیادەکاو لاشەی و ژەهرکاو دلیٛ لاشەی کەرا ، ئتر ئامۆنیا دلیٛ ونیٛنە و لاشەینە فرە بوٙ  ئینەیچ بوٙ بایسو ناوەش بیەی بوەو دەمی ،  هەرپاسە  فشارو ونیٛچ بەرزبوٙوە ، پەی چارەسەرکەردەی ، پاریٛزکەردەی جە واردەینە و چارەسەری پزیشکی پەی وڵکا  .

سەربارو ئا چارەسەرا پەی نەوەشیەکا باسکریان ، چنڎ هەنگامیٛوی تەریچ هەنیٛ کوٙمەکما کەرا پەی ئانەی بوەو دەمی نازا :

  • فرە ئاو واردەیوە ، هەرپاسە شلەمەنی هەکە گمیٛزئاوەریٛ نەبا ” کافائین ” شا نەبوٙ چەنە .
  • پاک ئەوەکەردەی دەمو دڎانی بە فڵچە و هەمیرو دڎانا ، بەینو دڎاناییچ بە نەی پاکیٛ کریاوە
  • فرەواردەی سەوزەی و میوەی ، دانیٛ ” نوەی،میژوی …هتد ” و دوورکەوتەیوە جە واردەی گوشتی و واردەی سورەوکریایو  واردیوەی کهولی و  نوشابەی .

 

جە ئینترنێتۆ …….د.ناجح گوڵپی … یڤەم ڕوٙ جەژنیٛ 15/6/2018

 

 

  • وەڵبەنڎ و دمابەنڎ  

    وەڵبەنڎ و دمابەنڎ Preposition  & postposition وەڵبەنڎ :  حرف جر : واتێوەنە  _ مورفیمێو…
  • واچەنامەی هەورامی- ئێنگلیسی-فارسی

    “واچەنامەی هەورامی- ئێنگلیسی- فارسی” نویستەو موحەمەدشەریف یوسفی ڕوانەو بازارو …
  • حەیاتیٛ

    حەیاتیٛ تەقەلاوو ساڵێوێم جە غەریبیەنە پەی یۆسەی زایفێوێ دماش ئاما . ئەوەڵەو مشیۆم واچوو کە…
  • وەڵبەنڎ و دمابەنڎ  

    وەڵبەنڎ و دمابەنڎ Preposition  & postposition وەڵبەنڎ :  حرف جر : واتێوەنە  _ مورفیمێو…
  • واچەنامەی هەورامی- ئێنگلیسی-فارسی

    “واچەنامەی هەورامی- ئێنگلیسی- فارسی” نویستەو موحەمەدشەریف یوسفی ڕوانەو بازارو …
  • حەیاتیٛ

    حەیاتیٛ تەقەلاوو ساڵێوێم جە غەریبیەنە پەی یۆسەی زایفێوێ دماش ئاما . ئەوەڵەو مشیۆم واچوو کە…
 hewraman
Load More In زانای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

وەڵبەنڎ و دمابەنڎ  

وەڵبەنڎ و دمابەنڎ Preposition  & postposition وەڵبەنڎ :  حرف جر : واتێوەنە  _ مورفیمێو…