تەمەن 

241

تەمەن 

زمسان بار و بنەش هۆر پێچابێ ، شەوێ واتم سۆحا هایم بیوە، گجیە سوورەکەیم کەروو وەرم، پاڵا تەق تەقینەکایچم کەروو پام، قژە سیاوەکایچم گێرووە پەلکێ، دەسوو واڵە قژ کاڵەکێم گێروو، بلمێ پەی مه‌ید٘ان نەورۆزی؛ ئاخۆر سۆحا نەورۆزوو وێما بێ.
عانیە ئی قسا کەرێنا پەی وێم، لتە جامیە دەسموە بێ، دیێنا وێمەرە. تەماشاو دد٘انەکام کەرێنا یۆ بێ و یۆ نەبێ. واتم ئەد٘ا گیان! کەی دد٘انەکام بەرمیاوە؟
ئەد٘ا گیانەم بە دەموو خوەیوە واتش: خەمت نەبۆ ڕۆڵە گیان! دد٘انەکات زوو په‌ڕێ بانێوه‌  چه‌رمێ و عالێ.
شەوێ بە وەشحاڵیوە وتا ، عانیە هایم بیوە وەڵ جە گرد چێویە لوانی جلەکام کەروونە، نەمانێ گجیەکەیم کەرووشەنە نەلوا وەرم.
چڕیم: ئەد٘ا گیان! گجیەکەم ویکلەوە بیەن. ئەد٘اااااا ئەد٘ا گیان پاڵاکایچم نمەلا پام!
ئەد٘ا دەنگش ناما ، گێڵانی یانەکەرە ئەد٘الێم نەبێ ، واڵە قژ کاڵەکێچم دیارش نەبێ، لوانی دەلاقەکەم کەردوە دیانی بەروە سەرەم سڕ مەن ! نە وەهار بێ و نە گوڵاڵێ! وەروو یانەیما پەڕ بیەبێ دڕەیە زەردێ ، ڕەمانی بەروە هەرچیە دیانی دەوروو وێمەرە سەوزیم نەد٘ی ،دنیا بیەبێ دڕەیە زەردێ.
پاییز ئامەبێ ، ئەرێ! من دێر خەوەرموە بیەبێ فرە دێر! ویرێم کەردێوە زانام وێم هەڵەم کەردەن.
من ئاشەوە بێ خیاڵ وتا ، وە چوون هەدەفم نەوێ پەی سۆحایم هایم نەویوە ،ئاخۆر تەمەنم ورد بێ ، پاییز پەی من فرە سەخەت گوزەریا ، بێ پاڵا گێڵانی پایم ڕێشیٛ بییٛ، جیا مەنانی جە ڕەفێقام، دڵم ڕێش بی، بەڵام بەهەر لۆن بۆ زمسانیچم داسەر.
ئیسە هه‌مدیسان لتە جامیە هەن دەسموە مەد٘یەو وێمەرە! هه‌مدیسان دد٘انەکێم یۆشا هه‌ن، یۆشا نیه‌ن، ئانەیچ هەن یا کەوەن یاسیاو!
هەمدیسان قژەکێم گێرتێنێوە پەلکێ، ئی ڕا تاڵیە سیاو و تاڵیە چەرمێ!
جەنۆوە گجیە سوورم دەق دان چەنی هیتیە پاڵا تەق تەقینا نیاێنێم لاو سەرەیم پەی سۆحای!
ئی ڕا نمەخڵەتیەو ، ئیمشەو وریا مووسوو ، ئەر ئیمشەو وریا نه‌وسوو وەهاروو سۆحای نمەوینو.
گاهەز ئی ڕا تەمەنم کەفاف نەد٘ەو پای پەتی،لێ دڕەیارە پاییزیەتەر بد٘ەو سەر .

ئێران_مورادی

  • وەرەتاو بەردەی

    وەرەتاو بەردەی گردما نامیٛ وەرەتاو بەردەیما ئەژنییٛنە، واتەنشا فڵانە کەس وەرەتاوی بەردەن ،…
  • شەبەکیٛ کیٛنیٛ؟

    #شێخ شەهابەدینی دزاوەری، پیرۆزتەرین شێخوو شەبەکەکان و گۆڕەکێچش گەورەتەرین مەرقەد٘وو موقەدە…
  • بەرگی دووەمو کتیٛبو ڕازوانو هەورامی چاپکریا

    بەرگی دووەمو کتیٛبو ڕازوانو هەورامی چاپکریا یانەو کتیٛبو هەورامانی خەڵاتێوەتەر کریا، بەرگی…
  • وەرەتاو بەردەی

    وەرەتاو بەردەی گردما نامیٛ وەرەتاو بەردەیما ئەژنییٛنە، واتەنشا فڵانە کەس وەرەتاوی بەردەن ،…
  • شەبەکیٛ کیٛنیٛ؟

    #شێخ شەهابەدینی دزاوەری، پیرۆزتەرین شێخوو شەبەکەکان و گۆڕەکێچش گەورەتەرین مەرقەد٘وو موقەدە…
  • بەرگی دووەمو کتیٛبو ڕازوانو هەورامی چاپکریا

    بەرگی دووەمو کتیٛبو ڕازوانو هەورامی چاپکریا یانەو کتیٛبو هەورامانی خەڵاتێوەتەر کریا، بەرگی…
 hewraman
  • هۆرامانوو دڵی

    هۆرامانوو دڵی ئەمن هانام به‌رده‌بێ لاو هانایشان. پاسە زانێنان ئه‌چا هانه‌نه‌ ته‌ژناییمان ک…
  • ساڵێو تەڵاقوو تاتەو فەتەی کەوتەبێ!

    ساڵێو تەڵاقوو تاتەو فەتەی کەوتەبێ! -ئاندٚە بەینما نەبێ، من و عەبە چەنی یۆی ژەنیما ئاردٚە. …
  • بەڵاو گیانوو هەورامانی

    بەڵاو گیانوو هەورامانی ئارۆ ترمیناڵ سەقزنە ڕوو بە شاروو مەریوانی شارێو کە ” کلوودیوو…
Load More In ئەدەب و هونەر

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

وەرەتاو بەردەی

وەرەتاو بەردەی گردما نامیٛ وەرەتاو بەردەیما ئەژنییٛنە، واتەنشا فڵانە کەس وەرەتاوی بەردەن ،…