یانە زوان وەڵگیٛرو ” وەر “ی

وەڵگیٛرو ” وەر “ی

142

وەڵگیٛرو ” وەر “ی

وەر زوانی هەورامینە ماناو “وەڵیٛ ” ،وەختیٛ پیٛسەو وەڵگیٛرێوەش سەرمەیو ، ملوٙ سەرو نامێوە یام یاوەرنامێوە مانایوە تازیٛشا مڎوٙ پەنە ، یام ملوٙنە سەرو چەمەی سادەی ماناکیٛش فاڕوٙ ، ڕوٙشنتەرەش کەروٙوە ،  وەختیٛوە ماچی” وەر +ما   ، وەر+تا ، وەر+ شا ” وەرما ،وەرتا ، وەرشا ”  چیٛشت وەرا ؟ چیٛگەنە ماناش جیاوازەنە !! وانەکەم وەرا ، وانەکەما وەرکەردەن ، داخوٙم وەر چیٛگەنە چیٛش بوٙ ؟ کردەی ناتەماما  .

ئیسەیچ فەرماودیٛ چنڎ نمونێوە سەرو واتیٛ ” وەر ” ی

  • ملوٙنە وەڵیٛ نامیٛ سادیٛ و کەروٙش بە نامیٛ ئەرەتاشیێ ، هەرپاسە گنوٙ وەڵیٛ یاوەرنامیٛ : نمونە :

وەر + بەرە = وەربەرە

وەر + هەیوانە = وەرهەیوانە = وەرهەیوان

وەر + لەشیمە = وەرلەشیمە ..وەر + دوٙشە = وەردوٙشە  ..وەر+ بینە = وەربینە = گرد یەک ماناشا هەن

وەر + هەڵیزە =  وەرهەڵیزە = وەرهەڵیز

وەر + وانکە = وەروانکە

وەر + نما = وەرنما

وەر+ کەمەر = وەرکەمەر

وەر + پەنگ = وەرپەنگ

وەر + تەڕواڵە = وەرتەڕاواڵە ” پیٛسەن کونەڵانی گولانەی ”

وەر + دەم = وەردەم

وەر + مل = وەرمل

وەر +ان =  وەر = وەرانوەر

وەر + یانە = وەریانە

وەر + چەم = وەرچەم

وەر + دەس = وەردەس

وەر + دەگا =  وەردەگا

وەر + بانگ = وەربانگ

وەر + دڵ = وەردڵ

وەر + جل = وەرجل

وەر + هەسار = وەرهەسار

وەر + خوٙڵ = وەرخوٙڵ ” وەرپەرچ دایوە ”

وەر + پەرچ = وەرپەرچ

وەر + تەسک = وەرتەسک

وەر + وەڵا = وەروەڵا

وەر + پان = وەرپان

وەر + کول = وەرکوڵ = وەرقوڵ

وەر + داڵانە = وەرداڵانە = وەرداڵان

وەر + قەڵا = وەرقەڵا

وەر + چاشتی = وەرچاشت

وەر + کەڵەکە = وەرکەڵەک

وەر + بەنگا = وەربەنگا

وەر + دەرە = وەردەرە

وەر + ڕا = وەرەڕا

وەر + جادە = وەرجادە

وەر + ویٛڕک = وەرویٛڕک

وەر +دەنگ = وەردەنگ

وەر + پیٛک = وەرپیٛک

  • ملوٙنە سەرو چەمەی سادەی و کەروٙش بە چەمەی ئەرەتاشیا :

وەر + کەردەی = وەرکەردەی

وەر + گیٛرتەی = وەرگیٛرتەی = وەرگرتەی

وەر + بیەی = وەربیەی

وەر + دای =  وەردای ……. هەسار وەردای : ئاوەو هەسارەکیٛ وەربڎە  ،  هەسەر وەردای : هەسەرەکیٛ وەربڎە با لەوەڕیوٙ .

  • وەڵگیٛرو ” وەر “ی مەشوٙ جە نامیٛ ” وەر _ وەرتاو “ی جیاش بکەرمیٛوە ، چیٛگەنە ملوٙ سەرو چەمەی سادەی بوٙ بە چەمەی ئامیٛتە :

وەر + کەوتەی = وەرکەوتەی – وەرەتاو کەوتەی  ، وەر + پڕای = وەرپڕای _ وەرەتاو پڕای ، وەر + زیای = وەرزیای  _ وەرتاوزیای ، وەر + نیشتەی = وەرنیشتەی _ وەرەتاو نیشتەی

وەرنەوەزان ، ، وەربەردەی ، وەرگیریای = ڕوٙجیار گیریای

وٛەر – وٛەرەتاو  گنوٙ وەڵیٛ نامیٛ : وٛەرەشیٛڵە

 

د .ناجح گوڵپی   دماین ڕوٙ و ڕەمەزانی  14/6/2018

 hewraman
  • مۆرفیم – ئەلۆمۆرف ، فۆنیم – ئەلۆفۆن

    مۆرفیم – ئەلۆمۆرف ، فۆنیم – ئەلۆفۆن مۆرفیم : morpheme  گولانەتەرین دننەو زوانین ، ما…
  • ڕانویس Dictation

    ڕانویس Dictation ڕانویس یوٙن جە لەقەکاو زوانزانای ، پیٛسە ئەژناسە مەکریوٙ ”  ڕیٛک و …
  • وەڵبەنڎ و دمابەنڎ  

    وەڵبەنڎ و دمابەنڎ Preposition  & postposition وەڵبەنڎ :  حرف جر : واتێوەنە  _ مورفیمێو…
Load More In زوان

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

حاجی ئه‌وله‌ سه‌ن و کناچه‌کیٛش 

حاجی ئه‌وله‌ سه‌ن و کناچه‌کیٛش  حاجی لای سه‌رینو دیوەخانینە هه‌رێژنه‌ش نیابێ سه‌رو دوێ سه‌…