یانە هەواڵیٛ ویسویوٛەمین دەورەو فوتباڵو جامی جیهانی 2018 و ڕوسیەی

ویسویوٛەمین دەورەو فوتباڵو جامی جیهانی 2018 و ڕوسیەی

83

ڕوسیە و عەرەبستان؛دەسپەنەکەرێو 21مین دەورەو فوتباڵو جامی جهانی 2018و ڕوسیەی

جامی جهانی فوتباڵی ڕۆ پەنج شەممەی 14ژوئەنـو 2018ی(24وچیڵکڕو97ی ڕۆجیاری)دەس پەنە مکەرۆ.
یوەمین بازی ئی دەورە جە جام جهانی میانو ڕوسیەی مێزبانی ساحێب یانە چەنی عەرەبستانی سعودی ملۆڕاوە.
ئی دوە تیمە تائیسەتێ تەنیا یک جار جە ساڵەو1993ی چەنی یۆترینی کەوتێنێ یۆ و بازیشا کەردەن کە چی بازیەنە،عەرەبستان 4بە2 سەرکەوت ، ئەڵبەتە ئی بازیە جەخاکو عەرەبستانیەنە لواڕاوە.

نیگایە سەرو دەسکەوتاو دوە تیمو ڕوسیە و عەرەبستانی:
ڕوسیە جە 5 بازی دمایینێ وێش جە جامی جهانیەنە هیچ سەرکەوتەییش بەدەس ناوردەن و 2ێ بەرابەری(تساوی) و3ێ  دوٙڕنای  ئینای کارنامەودەس ئاوەردو ئی وەڵاتیە.
ڕوسیە دماو شی بیەیوەو “شوروی”،جە گردٚو جام جهانیێ کە بەشدار بیەن تەنیا دوێ بازیێش بەردێنێ کە هەردوە بازی وەراوەرو تیمێ ئافریقایێ بیەن: سەرکەوتەی 6 بە 1 وەراوەرو تیمو فوتباڵو”کامرون”ی جە جامی جهانی1994 و 2بە0 وەراوەرو”تونس″ی جە 2002ێ .

با چەمێچ بوزمێ کارنامە و عەمەڵکەردو تیمو نەتەوەیی فوتباڵو عەرەبستانـی: جە13بازێێ “گەمیٛ ” کە جە ویەردەو جامی جهانی بەردێنێش ڕاوە تەنیا یەک جار جە جامی جهانی ساڵەو 1994و ئامریکای تاواش سەربگنۆ و چی بازیەنە تیمو نەتەوەیی فوتباڵو”بێلژیک”یش 1بە0 شکەشت دا.
تیمو عەرەبستانی جە9 بازیێ کە چی ماوە ویەردەنە کەردێنێ،فرە بێ هاز و توان وێش دان چەمۆ و جە 7 بازیێ کە ئەنجامشا داینێ هیچ گوڵێش نەڐاینە وەنە.

داوەری بازی سەوای شەوێ میانو ڕوسیە و عەرەبستانی کێن؟  “نێستورپیتانا”ی ئارژانتینی داوەری ئی گەمەیە بەرۆ ڕاوە.
سازمانو فیفای”پیتانا”ش هەر جە ساڵەو 2010عیسایی هۆرچنی پەی داوەر ، “پیتانا”جام جهانی2014و برەزیلی و جامو”کۆنفێدراسیون”و 2017 برەزیلیش داوەری کەردەن.

“نێستورپیتانا”ی ئارژانتینی داوەرو بازی ڕوسیە٫عەرەبستانی

یومین بازی فوتباڵو جامی جهانی2018و ڕوسیەی،میلیاردها وینەرێش جە سەرتاسەرو جهانیەنە هەن و دۆستدارێو وەرزشو فوتباڵی تەمائارێنێ و نیشتێنێ دیارۆ تا بزانان بەرەندەو ئی گەمەیە ” کیٛڵیٛ ”  کام چی دوە وڵاتەیەنە؛
ڕوسیە یا عەرەبستانی سعودی؟

وەرزشگاو”لوژنیک”ی سەعات:19.30بە وەختو تارانی

تیمو نەتەویی فوتباڵو عەرەبستانی
تیمو نەتەوەیی فوتباڵو ڕوسیەی

 hewraman
Load More In هەواڵیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

“نامەو ئەنیشتاینی پەی خوای” ورەشیا بە یەریٛ میلیون دولاریٛ

“نامەو ئەنیشتاینی پەی خوای” ورەشیا بە یەریٛ میلیون دولاریٛ نامیٛوە جە ئالبرت ئ…