یانە گردین خەڵەتیای چەمی

خەڵەتیای چەمی

67

خەڵەتیای چەمی

مواچیو ئێبلیس و ئەهریمەن(شیاتین)و جنۆکێ جە ڕاو چەمو بەشەری و هانە چەما و هەرپاسە جە دلێو ڕەنگو سیاوچەرمەی مگنا سارا و وێشا دیاری مدٚان.

ڕێک وپێکی سیستمو بینایی ئێمە بە جۆرێن کە متاومێ جە دەرەتانێ یەرەدیمی(سەبُعدی)،کەداراو:تیشک٫سەی٫ڕەنگ،تەشک وئەنازەیا، شێوازو سروشت وچێواو دەوروبەریما چ نزیک و چ دوری بوینمێ.

فرە چێمە”وینای”و دیەی جهانو دەوروبەریما،سادٚە و بەئاسانش مزانمێ. دەرکو”وێنە”وهەرپاسە دەرکو تەشکی جۆراوجۆر وجیاواز جە واقعیەت و ڕاسی، “خەڵەتیای چەمی”ش مواچا.

جە واقع فرەوجاران ئێمە جۆرێ جە وێنە و شێوازی جیاواز جە ئەسڵ و دەقو ئا وێنە یا چێویە موینمێ کە هەن.
چی حاڵەتەنە ئا وێنەی کە چەم جە بەری مگێرۆش و مەژگو ئانزانی پەرداختەش مکەرۆ ،چەنی دەق و ئەسڵو ئا وێنەی خەیلێ جیاوازتەرەن.
پەی نمونەی متاومێ دەس بنیەیمێ سەرو سەراو٫ئاوسارای(سراب) وپلورەوارانێ کە سەراو بە زایەڵەو تیشکوڕۆجیاری وگەرماو تۆزەمینی مگنۆ وەرو چەمی و پلورەوارانێچ شۆنەو واراو وارانی و داوەنەو تیشکو ڕۆجیاری سەرو تکێ ئی وارانیە و شی بیەی و پەخشو تیشکو ڕۆجیاری بە ۷ ڕەنگامێ زەریفێ وێش دیاری مدٚۆ.
جە واقع پلورەوارانێ گەمەو و وێ نماناو تیشکوڕۆجیاری و تکێ وارانیەن، بە واتەو زانشمەندا و تا ئارۆ کە فرە هەرمانێ زانشتی سەرو ئی بابەتی ئەنجامێ بیەنێ و بە پاو وەڵکەوتەی ئانزانی جە مەوزوعو دیمەن شناسی زانشتی متاومێ خەڵەتیای چەمی بە یەرێ جۆرێ بنیەیمێرە:

خەڵەتیای وینای شناختی:پسەو وینای گوڵدان یا ڕوبانو سەرەی کە ئی جۆر وینایه مگێڵۆوە پەی تێکەڵاوی زەینی
دەرونی و جهانو دەوروبەریما.

خەڵەتیای وینای”فیزیولوژیک”:کە بە هۆرنیای جە ڕادەبەدەرو چەم و مەژگی بە ڕەنگ٫ ئەنازە٫ درۆشیایی و ژلێویاو و جموجۆڵی چێوا شکڵ مگێرۆ.

خەڵەتیاو وینای”ادراکی”[سرکوبەدٚەنی]: یانی ئا وێنێ کە مەغزو ئانزانی سرکشا مکەرۆ چەنی ئا وینای کە شکڵ مگێرا و هەرپاسه شکڵشا گێرتەن جیاوازێنێ.

ئیسەتێ خەڵەتیای چەمی کاربەری بازرگانی٫فەرهەنگی٫گرافیکی٫سیاسی و حەتا پولیسیش هەن. پێنتاگۆن وCIA پەی چێرزوان گێرتە و ئەشکەنجەو ڕۆحی ڕوانی زیندانیان و هۆرنیاو تیروریستا جە پڕۆسەو گرافیکی و خەڵەتیای چەمی بە عاڵتەرین شێوە کەڵک گێرا.

جەسەنعەتو فیلمسازی و ئەنیمێشنی بەکار ملۆ و کاریگەری فرە منیۆ سەرو زەین و باوڕو ئانزانی.
خەڵەتیای چەمی جە دماڕۆنە متاوۆ فرە جە پەیوەندی نەتەویی و ئێنسانی دەرگیرو وێش بکەرۆ و مودێلێ نەو جە ڕۆخسارشناسی و کەردەوەشناسی دینی و ئایینی و ئیدئۆلوژی و گومان پەروەری جە چوارچۆ   ڕەنگ،تیشک و تەشک و دیمەن شناسی سەردەمی قوڵ خۆڵقنۆ و هەنگامێ نادیار بەرەو گیرایی فکری و ئەندیشەو ئانزانی بنیۆ.

ئی فیلە چنڎ پایش هەنیٛ ؟
دەیەقێو بدٚەیدێ ئا چوار خاڵەو دڵێڕاسەی دماجار ڕوەکەردێ دیوارو یانەی و چەمێتا زوبەزو تروکندێ.
ئیسە چێش مویندێ؟
گومان و وەهم(دیم گێڵنای)
یەرێ یا چوار !؟
ئێژیارەی سەرو جادەی!!
 hewraman
Load More In گردین

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

هەمارو زانایی بیٛسارانی 

هەمارو زانایی بیٛسارانی پەیجوٙریێوەن بە قەڵەمو کورش ئەمینی ، بە تیٛر و تەسەلی لوان تانو زا…