یانە گردین ڕونمایی جە قاڵیەو جام جهانی ڕوسیەی جە شارو”تبریز″یەنە

ڕونمایی جە قاڵیەو جام جهانی ڕوسیەی جە شارو”تبریز″یەنە

79

ڕونمایی جە قاڵیەو جام جهانی ڕوسیەی جە شارو”تبریز″یەنە

ماوێ چیوەڵی(پاژەرەژ مانگەو ۱۳۹۷ی ڕۆجیارێ)،جە ئایینێ بەشکۆ و ڕازیاوە جە ۷ تەختە قاڵیێ عەنتیک و ئەلاحێدٚێ تایبە بەجام جهانی ڕوسیەی،جەشارو”تبریز″ی ڕونمای کریا ، ٤تەختە چی قاڵیانە بە ئەنازەو ۲ جە ۱ میتریەنێ.
ئۆستاد”حسین کاظمی حامد” هونەرمەند و قاڵیکەر واتش” شش مانگێ پەی ئی ۷ تەختە قاڵیێ تایبە پەی جام جهانی وەخت تەرخان دریان و هونەرمەندێ دەس ڕەنگێنێو ئی شارەیە زەحمەتشا پەی کێشتەن.
یەرێ تەختە چی قاڵیانە پێشکەش مکریا بە یەرێ کاپیتانێو ئا تیمو فوتباڵانە کە چەنی ئێرانی موسابقەشا هەن و چەنی ئێرانی بازی کەرا، یەک تەختەیچ پێشکەش مکریۆ بە فێدراسیونو فوتباڵو وەڵاتو ڕوسیەی،تەختێ تەرشا مدریۆ بە موزەو”فیفا”ی و یۆتەریشا پێشکەش مکریۆ بە موزەو مەرقەدٚو”امام رضا”ی جە شارو”مشهد”ی.

ئۆستاد”کاظمی حامد”ماچۆ” هەر عانێ تیمو فوتباڵو ئێرانیـچ جە جام جهانی ڕوسیەی لوا پەی پلەو سەری و سەرکەوتەیی بەدەس بارۆ، یەک تەختە چی قاڵیا پێشکەشا کریۆ.
ئۆستاد جە بارەو چنیەو ئی چن قاڵیێ پێسشە وات کە ئی هەرمانیٛ پەی یوەم جاری جە ساڵەو ۱۹۹۸ی دەسش پەنە کەرد یانی جە جام جهانی فەڕانسەی و بە پێشکەش کەردٚەی تەختە فەرشێ بە “زین الدین زیدان”ی بازیکەرو موسڵمانو فوتباڵو فەڕانسەی ، دماتەر جە جام جهانی ۲۰۰۲ کورەی پانیشتی ” کۆریای وارین ”  وهەم جە جام جهانی”ئالمان”٫ ئافریقای پانیشت”و برەزیل”یچ، ئی هەرمانێ بەردەوام بێ و قاڵیەو تەبریزی بی بە دەستکەردی برەند و شناسنامەو وەڵاتو ئێرانی جە زەمینو فوتباڵیەنە و جهانەنە.
ئینە پەنجەمین دەورەن کە تیمو نەتەوەیی ئێرانی ملۆ پەی جام جهانی ، تیمو ئێرانی چەنی”ئێسپانیا”٫پۆرتەقال و مەراکێشی هام گروەن.

ئێژاو واتەیا کە قاڵیەو تەبریزی جە جهانەنە نامیەنە و فرە جە موزێ و کاخ و کوشکێ گەورێ سەرتاسەرو جهانی بە قاڵیەو تەبریزی ڕازیاینێوە و فرە کەس جە ئازەربایجانی وەرهۆرزی  خەریکو قاڵی چنیەیەنێ و قاڵیەو تەبریزی، بە عالی و زەریفی نامێش بەرکەردێنە.
جەمعیەتو ساتراپو ئازەربایجانی شەرقی نزیکو ٤ میلیونێن و نزیکو ۲ێ میلیونێ ئینای شارو تەبریزیەنە و هەزارن هونەرمەند و دەس ڕەنگین،چی شارەنە خەریکوهەرمانەو هونەرو قاڵی چنیەیەنێ.

 hewraman
Load More In گردین

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

حاجی ئه‌وله‌ سه‌ن و کناچه‌کیٛش 

حاجی ئه‌وله‌ سه‌ن و کناچه‌کیٛش  حاجی لای سه‌رینو دیوەخانینە هه‌رێژنه‌ش نیابێ سه‌رو دوێ سه‌…