یانە گردین یوەمین “ئەنیمێشن”و جهانی

یوەمین “ئەنیمێشن”و جهانی

181

یوەمین “ئەنیمێشن”و جهانی

جە سەرزەمینو باستانی”شاری سۆتە” جە ٦٥ کیلومێتری شارو”زابۆل”ی ساتراپو سیستانی و وەرهۆرزو وەڵاتو ئێرانی ،جامۆڵێ هەڕینشا ئێستەنۆ کە ویەردەش مگێڵۆوە پەی پەنج هەزارساڵێ چیوەڵی.
جە گێڵاو و خرت و پشەی باستانشناسێ ئیتالیایی جە ساڵەو ۱۹۸۳ عیسایی، جامۆڵێ خاکی کەوت جبەر کە نیشاندەرو کۆن تەرین و جە واقع یوەمین ئەنیمێشنو جهانیەن.
جامۆڵکێ بەنەخش ونیگارێ سور و سادٚە ئی نیگارەو قەدٚو جامۆڵکەیە بە شێوازی فرە ژیرانەو بە ئاوەزی حەنەری(هونەری) کێشیان.

[بزە و درەخت]
ئینە گردو ئا چێوانە کە پۆ ئا جامۆڵەیەو کێشیان،پیجۆرە کە جە پەنج کەڕەتێ ئی بزێ پەی واردەی ملۆ لاو درەختەکەی و گەڵاو ئا درەختیە موەرۆ.
ئی پەنج فریم و جۆڵە(حرکت)نەمایشێ جە یوەمین ئەنیمێشنو جهانیەن کە جە “شارو سۆتەو” سیستانی جە پەنج هەزار ساڵێ چیوەڵی (یانی هەزارەو یەرەمو وەڵێو عیسای) وەشکریان و بە قەڵەمێ سادٚێ کێشیان.بەرزایی ئی جامۆڵەیە ۱۰cm و ئەنازە و قوترو(قُطر-خەت گلێرگا) دەمەکەیچش(دهانە) ۸ سانتیمێتریٛن و ئینا سەرو پایێوە.
دماتەر باستانشناسێ بە پیادٚەکەردٚەو نیگارێ ئی جامۆڵکەیە سەرو کاغەزی تاواشا فیلمێ ۲۰ سانیەیی(ثانیه) جە یوەمین ئەنیمێشنو جهانی ساز بکەران.
“سیدمنصور سیدسجادی”چەمدٚار و سەرپەرسیارو تیمو خرت و پشەو شارە سۆتەی کە نزیکو ٤۰ساڵێن چی سایتێنە هەرمانە مکەرۆ جە بارەو ئی ئەنیمێشنیە پێسشە واتەن:
جماو ئی بزێ بە لاو درەخت و واردەو گەڵاو درەختەکەی جە پەنج کەڕەتێ مگنۆ وەرو چەمی و بە شێوازێ فرە عالی کێشیان سەرو جامۆڵکەکەی ، چی نیگارەنە نە تەنیاجوڵەو بزەکێ وەش دیارەن بەڵکو پڕاو و بازەو بزەکێچ بە شێوەی فرەخاس نیشانە دریان.
بڕێ جە تاریخشناسێ مواچا نیگارەو قەدٚو ئی جامۆڵەیە، بازگۆ و نەمایشێ جە داستانێ قەدٚیمیە جە ئێرانی باستانی بەنامێ”درەختو ئاسوریک”یەن(درخت آسوریک).
ئی جامۆڵە جە پەنج هەزارساڵێ چیوەڵی و بە دەسی هونەرمەنداو ئێرانو ئا زەمانەیە و جە کەراخو گولو”هامون”ی خۆڵقیان.
بە واتەو ئی باستانشناسەیە ئێمە پێسە چێوێ جە ویەردەنە و جە هیچ یاگێوە شکە نمەوەرم و ئینە پەی یوەمین جاریەن کە جە شارەسۆتەنە و حەتا جهانەنە پێسە نیگارێ و پێسە جامۆڵکێ کەوتەن بەرۆ.
بەڕاسێ ئافرینەرو پێسە چێوێ جە بابەتو هونەر و ڕەفتارشناسی گیاندارێ لینی پسەو بزێ و هەرپاسە جوڵەو و ێنەی (تصاویرمتحرک)وزەریفی ،ئی جۆر خۆڵقنایە هاگاش بیەن.
هەر ئا عانە موزەو ئێرانی باستانی ئی جامۆڵە نەخش دارەشە گل داوە و ونیاش وەرو چەمو دوستداراو زانشتو باستانشناسی و تاریخ شناسی، تایبە ئا بەشە جە ویەردەو ئێرانی باستانی.
ئی جامۆڵە ئیسەتێ ئینا موزەو ئێرانی باستانی جە شارو تارانی و بە جامۆڵەو ئەنیمێشنی نامیەن.

پانویس
ئەنیمێشن Animation
[فارسی-پویانمایی]

*پەی جوڵیاو ئەنیمێشنەکان،بەکلکە دەیدێ سەرو وێنەکاوە

پیجۆرە جە پەنج کەڕەتێ،ئی بزێ ملو لاو درەختەکەی و گەڵا موەرۆ

یوەمین”ئەنیمێشن”و جهانی

 

 hewraman
Load More In گردین

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

پیر سکڵه‌

پیر سکڵه‌   داریوش ڕه‌حمانی په‌ی نه‌به‌ز هۆرامی ئه‌جۆت پاسه‌نه.پاسه‌نییه‌ن.ئه‌ڵبه‌ته‌ پاسه…