یانە زوان  زوانی نویسیاریی هۆرامی کامەنە؟

 زوانی نویسیاریی هۆرامی کامەنە؟

189

 زوانی نویسیاریی هۆرامی کامەنە؟

ژیار سڵامەتیان

ساڵەو 2010یۆهەم بابەتی هۆرامیم نویست. پاسە زانێنا هەر ئانە کە ئەمن هۆرامینا، ئێتر ئا زوانە پەنەش قسێ مەکەروونە، متاوۆنە بۆ بە زوانوو نویستەی هۆرامی!!؟ نویستەکانم ئیدامە دای هەتارە ساڵەو 2016، تا ئانە کە مامۆسایێوە ژیر و ئازمووندیە و هۆرامی نویسێوە چەنەئامە، ئاماو ماچۆم پەنە: کاک ژیار ئی زوانە کە جەنابت پەنەش مەنویسینە، زوانی هۆرامی دەمواچەن(محاورەیین) واتم مەبەستت چێشەن مامۆسا: فەرماواش: هۆرامی مەگەر 1200ساڵێ تاریخیی نویسیاریش نیەن(تاریخ ئەدەبیات)؟ واتم بەڵێ هەنش. واتش: دەی بلە بزانە ئا زوانە کامەنە کە پەنەش نویستەنشان، تۆیچ بلەوە سەروو ئا ساختارە نویسیاریە، واتم: یانی مەفەرماوینە، هەر پێسەو فارسی، هۆرامی زوانی نویسیاریش بیەن و هەنش. فەرماواش: بەڵێ. هۆرامی زوانی مەعیار و نویسیاریش هەن، و درۆستەرین زوانەن پەی نویستەی. ئیدامەش دا و فەرماواش: هەر کەسێوە ئی یەک دەهە دماینە هۆرامیش نویستەن،(چە شێعرە و چە نەسر) گردش زوانی دەمواچەن و زوانوو قسەکەردەیا، هەر کەس بە لەهجەو دەگاو وێش نویستەنش، نەزانانشا کە هۆرامی هەزاران ساڵەن پەنەش نویسیان: فەرماواش: مامۆسا مەڵاخدر کۆگەیەن؟ واتم ڕوار. واتش مامۆسا بێسارانی کۆگەیەن؟ واتم بێساران. واتش: مامۆسا سەیدی کۆگەیەن؟ واتم سەروو پیری؟ واتش: مەلا حەسەن، واتم؟دزڵیە، واتش: مامۆسا مەولەوی؟ واتم: تاوەگۆز. ئیدامەش دا واتش: مامۆسا مەڵا پەرێشان چێش؟ واتم: دینەوەر. واتش: زوانو دیوانو ئەردەڵانەکا(زوانی ئیداری-سیاسی)کامەنە؟ واتم: زوانو شاعرەکان. واتش:ئافەرین. دیسان واتشوە: تا ئیسە زانانات مەڵاخدر، مەلاحەسەن، مەولەوی، خاڵۆی کۆماسی، مەڵاپەرێشان و گردینوو تاریخ ئەدەبیاتو هۆرامانی، گردشان بە یەک ساختاری زوانی نویستەنشان؟ جە حاڵێوەنە کە هەر یۆشا هنو دەگایێوە جە هۆرامانین؟ واتم: حەقێقەتەن. واتش: یارسان چێش؟: واتم: گردوو کەلامەکایچ یەک شکڵ نویستەنشا. هەر پێسەو شاعرەکان. واتش: ئەی هونەرمەندەکانو هۆرامانی، بە کام زوان گۆرانیێشان واتێنێ و مەواچان؟. واتم: بە زوانی نویسیاری هۆرامی. واتش: ئەی زوانو سۆزوو ئەدایەکانو هۆرامانی کام زوانەن واتم: زوانی نویسیارین. واتش: حەماسەکاو هۆرامانی بە کام زوان نویسیاینێ، واتم: زوانی نویسیاری. واتم: زوانی نویسیاری هۆرامی. دماتەر واتش: ڕەوتوو زوانی نویسیاری. دماتەر واتش: مەزانی ڕەوتو وەشبیەو ئی زوانی نویسیاری چەنینەن؟: واتم تا ئەنازێوە بەڵێ. واتش:چەنی؟ واتم: زوانێ وەڵێنە محاورەیی و شەفاهین، دماتەر مەبۆنە بە نویسیاری، و دماو ئانەیە کە مەبۆنە بە نویسیاری، مەبۆنە بە فەرهەنگ. دماتەر موقەدەس مەبۆنە. فەرماواش: ئافەرین زوانوو هۆرامی ئانەشە گوزەرنان. ئیدامەش دا واتش: داوات وەنە مەکەروونە زوانوو هۆرامی نمارەوە دماوە و نمارەوە پەی زوانوو شەفاهی. واتم مامۆسا وەڵا ئەمن تا ئیسە ئینەمە نەزانابێنە، ئانە ئیسەولای کۆشش مەکەروونە بە زوانی نویسیاری بنویسونە. مامۆساو هۆرامانیە جالبش چانە بێنە کە وێش خەڵکو دەگایێوە نزیکو دەگاکێو وێمانەن کە دەگاکێشان لەهجەی تایبەتو وێش هەنش. فەرماواش: ڕۆڵەکەم، ئەگەر خزمەت بە وەڵاتو هۆرامانی مەکەرینە و گردوو دەگاکا و شارەکان و خەڵکەکەش وەشت مسیۆنە، بلەوە سەروو زوانی نویسیاری بە گردوو هۆرامیەکان و گردوو تیرەکانش بیاوانە کە چێش مەونویسینە. ئانە بێنە کە دماو 8 ساڵان ئیسە پاسە مەزانوونە، کەم کەم خەریکەن فێروو هۆرامی نویستەی مەبوونە. ئارۆ دوێ ساڵێن کۆشش مەکەروونە بە زوانو نویسیاری بنویسوونە. ئی زوانە فرە نزیکەن بە زوانوو پاوەی و دماتەر. ژاوەرۆ و دماتەر هۆرامیەکانو کەنوڵەی و موسڵ و باجەلانی. ئەڵبەتە ڕێخەکەیچش مەگێڵۆنەوە پەی زوانو دەگاکاو محاڵوو هۆرامانی گەورەی. بەشکەم ئازیزا هۆرامانی کوچێو سەرو نویستەیوە ویر بکەرانێوە. حەقێقەتەن هۆرامی داراو زوانێوە ساختارمەند و نویسیارین..

 hewraman
  • گەرەک

    گەرەک گەرەک واتێوەنە؛ وات و واچو ڕوانەینە و نویستەینە بەکارش مارمیٛ، پاسە ویٛش بەروزوٙ هەک…
  • پەخشانە

      پەخشانە پەخشان ” النثر[1] ” یام پەخشانە، بەشیٛوەن جە ئەدەبی، یانی بەروس…
  • ئی، ئا، ئوو

      پی، پا، پوو، ئی، ئا، ئوو  یاوەرنامیٛ نیشانیٛنیٛ ئی پەی نزیکی، ئا پەی دووری، ئوو پەی…
Load More In زوان

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

پیکوڵی:  tribulus terrestris

پیکوڵی:  tribulus terrestris پیکوڵی یام پیکوڵە، گیواوێن وەھارێنە سەوز بۆنە، سەرانسەرو دنیا…