یانە زانای یانه…[3]

یانه…[3]

80

یانه…[3]

خاس تماشا بکەردێ.
ئێگەنە..ئینە یانەو ئێمەن…..
گردٚو ئا کەسا وەشتا مسیا،مشناسدێ و یا چەنیشا هەرمانەتا کەردێنە.
گردٚو پاڵەوان،وەرزشکار،هونەرمەند،ئۆستاد،سیاسەتمەدار،ڕابەر و پێشوا. بە هەزاران ئێدولوژی،دوکترین…
بازرگان،نەچیر،نەچیروان،تەرسەزاڵ!،پاشا ڕەعیەت و چێردەس،زانشمەند و زاڵم و..
گردو ئا کەسا تەژنەو کوشتار و جەبەین بەردەیەنێ!!گردٚفیز و هوا و دەماخ بەرزی و بێ بەزەیی و گردٚو ئانزانێ میهرەبان و ……
گردٚو شارستانیەت و تەمەدون وتەمامو کەسایەتی عال و خراب ئینای چێنە! چی سەرو خاڵە کەوێنە…..
[چکیارێ جە قسەو نویستەو کارێل ساگان]ی.

ئینە وێنەو گۆزەمینیەن جە دورایی٦/٤ میلیارد کیلومێتری. ئی وێنە جە ئاسمان پیماو”وویجر”و ۱ ی ڕۆدیارو۱٤ فیبریەو ۱۹۹۰و کەوتێنە.
جە واقع وستەو ئی وێنە جالب و سەرنج داریە جە بەرنامەو ئاسمان گێڵو “وویجر”
یەنە نەبێ بەڵام بە داواکاری زاشمەندێ بەنامێ”کارێل ساگان”ی گیریا و کەوتە بەرۆ و وڵاو بی.
“کارێل ساگان”پیشنەهادێش دا وەڵێو ئانەی “وویجر”جماو بەرەو قوڵایی ئاسمانەکای تەری دەس پەنە بکەرۆ با وێنێو جە دور دەسو سامانەی ڕۆجیاری بوزو و ماندگارە بۆ.
“وویجر”و ۱ ی چا وەختەنە ئی وێنەشە وست ؛ جە دورایی ٤۰ یوەو(واحد) هەسارەیی(نجومی) ڕۆجیاریەنە بێ. یانی نزیکو بازنەو نێپتونی.
ئێژاو واتەیا هەر یوەی هەسارەیی بەرابەرو دورایی زەمین تا ڕۆجیاریەن. ئیسەتی کە نزیکو چنها ساڵێ چا ڕۆەیە مویەرۆ”وویجر”۱ یاوان بە ئەوپەڕو فاسڵەو وێش جە زەمینی و ئینە پلتۆکێن پەی ئێنسانی کە جە کاینات و کەیهانی بێ حدودیەنە هیچا..!!

جە وێنەو”وویجر”و ۱ ی ،گۆزەمینی وردیتەر جە یەک پیکسێل و ئینا جە دلێڕاسەو ئاسمانا و پانایی بێ پەڕاپەڕو کەیهانی.
ئی ئاسمان گێڵە ئیسەتێ ئینا دلێوئاسمانو
میان هەسارەینە و خەریکو ڕاپیماو وێشەن. “وویجر”۱ جە سپتامبرو ۱۹۷۷ عیسایی جمای بێ حدودو وێش دەس پەنە کەرد وجە ۱٥و ئاگوستو ۲۰۱۲ی جە حدودو میانو سامانەی ڕۆجیاری و ئاسمانی میان هەسارەیی گوزەرش کەردەن و تەنیا کاردەست و حەتا تەنیا وەسیلەو دەستکەردو ئێنسانیەن کە تا ئی ئەنازە جە زەمینی دور کەوتەن .

بازنێ ڕەنگامێ چی وێنەنە نیشاندەرو ئەوەگێڵاوتیشکو ڕۆجیاری سەرو دوربینو “وویجر”یەن(بازگێڵی تیشکی-بازتابش).
“وویجر”ئیسەتێ جە پیرامونو سامانەی ڕۆجیای ترازیان و گێڵاو میان هەسارەیی وێش دەس پەنە کەردەن.

“وویجر”و ۱ی باربەرو(حامل)دیسکێ زەڕینیەن کە پەڕا جە نەخشە و کەردەوە وشێواز و ئاناتومی ئانزانی و هەرپاسە چنها زوانێ جهانی پسەو شێعرێ جە سەعدی شیرازی بە زوانو فارسیش ئینا سەرۆ و تۆمار و نگادٚاری کریاینێ و ئینای دلێشەنە.
ئی هەرمانە هەرئا ساڵە جە لاو زانشمەندێو ناساو ئامریکای پەرداختە بی و هۆکارش ئانە بێ ئەر زەمانێ گیانەوەر و مەوجودێ ئاسمانی دەسشا یاوا وویجری،بتاوان چەنی ئانزانی پەیوەندی ڕێک بوزا

 

سامانەو ڕۆجیاری بە دوربینو”وویجر”ی
زەمینو ئێمە..!! جە نەمای تەرەنە 
ئینە یانەو ئێمەن!!!
ئی وێنه جە دورایی ٦/٤ میلیاردکیلومێتری زەمینی بە دوربینو
“وویجر”ی گیریان
 hewraman
Load More In زانای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

حاجی ئه‌وله‌ سه‌ن و کناچه‌کیٛش 

حاجی ئه‌وله‌ سه‌ن و کناچه‌کیٛش  حاجی لای سه‌رینو دیوەخانینە هه‌رێژنه‌ش نیابێ سه‌رو دوێ سه‌…