یانە گردین “کوروش کبیر و ترامپ” جە ئیسراییلەنە

“کوروش کبیر و ترامپ” جە ئیسراییلەنە

95

“کوروش کبیر و ترامپ”جە ئیسراییلەنە

سازمانێ پەروەردە٫ٚفێرکاری ئیسراییلی به نامێ[سازمانو مەعبەدی پێرۆز٫مقدس] بۆنەو جابجایی”سفارەت”و ئامریکایی جە “تل اویو” پەی”بیت المقدس″ی،سکێ یادبۆی تەڵایی(زەڕین)ونوقرەیش(سیمی) داینێ وەنە ، ئی سکێ وێنێو جە پریزیدنت ترامپ چەنی شەمایلو کوروشی گەورەیش ئینا پۆوە.
هەرپاسە وێنەو داڵ(نەماو وەلایەتە یۆگێرتەکاو ئامریکای)و شێری(نەماو ئێرانی باستانی)کڕیان پۆشۆ ، چیرو پاو شێرەکەیچ،وێنەو ئوستوانەو مافو ئانزانی گنۆ وەرو چەمی.
تەمبوشی(استوانە)کوروشی گەورەی یوەمین جاڕنامەو مافو خەڵکیەن کە جە 2500 ساڵێ چیوەڵی نویسیان وئیسەتێ ئینا جە موزەخانەو وەڵاتو بریتانیای.

ئی سکێ بۆنەو خاترەو گەورەزانای هەرمانەو پریزیدنت ترامپی پەی جابجایی سیفارەتو ئامریکای پەی شارو قودسی دریاینێ وەنە.!!

سکە تەڵایی بە نرخەو 36 پۆند و سکێ نوقرەیی بە نرخەو 52 پۆندێ دادٚ و ئەسەی مکریان ، ئی سکێ سەمبولیکێنێ و ڕەواجی پوڵی ڕەسمیشا نیا بەڵام جە بازاری ماڵی نرخە موەران و بائەرزشێنێ.

هۆکارو کڕنای  شەمایلو کوروشی گەورەی قەڎو ئی سکیٛ گێڵۆوە پەی ویەردەی کۆنی ، جە متون و نویستەی باستانی و کۆن پیجۆرە ئامان کە 2500 ساڵێ چیوەڵی کوروش  گەورە شاهەنشاو ئێرانی باستانی شمارێ فرێ جولەکێش جە شارو “بابێل”ی نیجات دای و گێڵنایشۆ پەی”ئورشەلیم”ی.
ئازادی ئایینی جولەکا و ڕزگار کەردەیشا بەدەسی “کوروشی کەبیر”ی بی سەبەبو ئانەیە کە یەهودی سەرتاسەرو جهانی بە خاسی یادٚش بکەران و قەدٚرزانیۆ ئی پیاگەورەیە با.
یەهودیێ هەر جە وەنەی سەرەتایی  زاڕۆڵەکانشا ئاشنا مکەران چەنی نامێ کوروشی و دەستگاو فێرکاری و پەروەردەو ئێسراییلی گەورەیی فرە منیۆرە پەیش و بە خاسە نامێش بەرا.
فرە جە کالێج و مەدرەسە و خیابان جە ئیسراییلەنە بە نامێ کوروشی نامێ نریاینێ و فرە جە یەهودیا حەز کەرا نامێ زاڕۆڵەکانشا بنیا”کوروش”.
شۆنەو دای وەنەو ئی سکێ، فرە جە هونەرمەندا و کەسایەتی نامی ئیسراییلی و حەتا ئێرانی پی هەرمانەو سازمانە ئێسراییلیە ناراحەتێ بێنێ و ماچا چی مشیۆ شەمایلو کەسایەتی گەورە پسەو کوروشی گنۆ پاڵو ترامپی وخزمەتو ترامپی پەی ئێنسانیەتی چێش بیەن و بایەد وێنەو ترامپی چی سکێنە لابشۆ و فەقەت هینو کوروشی بمانۆ!!؟

جە ویەردەنە هەم بارها سەرانو(روسا) ئیسراییلی جە کوروشی گەورەی بە خاسە نامێشا بەردەن و پی باوڕەنێ کە ئەر کوروش نەبیایا،ئێسە شۆنمایە جە جولەکا نەمەنێبێ.!
ساڵەو پاریچ پریزیدنت ترامپ جە قسەوباسێ یادێش جە کوروشی کەرد و واتش:کەسایەتی پسەو کوروشی کەبیری پەی ئیدارەکەردٚەی و  ڕاوەبەردەی  ئارۆ جهانی پەنەوازەن.
هەزاران کتێب و نویستە،تەمبر،وشەمایل و خیابان و وێنەوکوروشی کەبیری جە ئیسراییلەنەهەن و تا ئیسەتێ چن فێلمێ تاریخی جە هالیوودو ئامریکای جەبارەو کوروشی گەورەی سازکریان ، کوروش چەنی سڵێمانی نەبی(ع) جزو کەسایەتی گەورە و وەشەسیاو یەهودیانەنێ.

 

سکێ زەڕین “کوروش و ترامپ”ی
خیابانو “کوروش”ی جە ئیسراییلەنە
ڕونمایی جە “استوانە”و کوروشی کەبیری جە شارو “لۆس ئانجلێس″و ئامریکای
خیابانو “کوروش”ی کەبیر جە ئیسراییلەنە
 hewraman
Load More In گردین

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

پیر سکڵه‌

پیر سکڵه‌   داریوش ڕه‌حمانی په‌ی نه‌به‌ز هۆرامی ئه‌جۆت پاسه‌نه.پاسه‌نییه‌ن.ئه‌ڵبه‌ته‌ پاسه…