یانە پەیلوای ئەجوٙ _ ئەجوٙم _ ئەجیام

ئەجوٙ _ ئەجوٙم _ ئەجیام

164

ئەجوٙ _ ئەجوٙم _ ئەجیام

ئەجوٙ ، ئەجوٙم ، ئەجوٙما ، ئەجوٙت ، ئەجوٙتا ، ئەجوٙش ، ئەجوٙشا

ئەجیٛ ، ئەجیٛم ، ئەجیٛما ،  ئەجیٛت ، ئەجیٛتا ، ئەجیٛش ، ئەجیٛشا

ئەجیام :  ئەجیاما ، ئەجیات ، ئەجیاتا ، ئەجیاش ، ئەجیاشا

ئەجیانم : ئەجیانما ، ئەجیانتا ، ئەجیانشا

ئەجیٛم : ئەجیابیٛم ، ئەجیا بیٛما ،  ئەجیا بیٛت ، ئەجیا بیٛتا ، ئەجیابیٛش ، ئەجیا بیٛشا

ئی واتیٛ ڕوانە چنڎ جاریٛوە مەی سەرو زوانی و ماچمیٛش وەختو قسیٛ کەردەینە ، وەلێم  نمەزانو نامیٛش بنیەو چیٛش ؟ ئامڕاز یام  واچیٛوە تایبیٛ یام  کردە ؟ هەرپاسە  یاگەنامیٛ لکیێ دەسەو یوەمی تاکو کوٙی هوٙرگیٛرا

( ئەجوٙ  هەشەی پیٛکیێنە هەر بوٙڵەش مەی ) ، ( ئەجوٙ کتەی پا سوٙتیٛنە ) ،(ئەجوٙ خەرارا و تەویٛڵەیا گیٛرتەن ) ، ( ئەجوٙ داهوٙڵا )،( ئەجوٙ دوٙش مجیان ) ، ( ئەجوٙ ڕات گمە کەردیٛنە ) ..چی نمونا سەرینە   ئەجوٙ پیٛسەو ” کردیٛوە ناتەمامی بەرگنوٙ  ، کەوتەن بنەڕاو ڕستەی  و ماناو ڕستەکەی ڕازنوٙوەو تەمامەش مەکەروٙ ، ئەگەر ئەجوٙ لابشوٙ ڕستەکەنە  ماناکیٛش لارەسەنگە بوٙ ، پاسەبوٙ  ئەجوٙ کردەی ناتەمام ” بیٛ هیٛز ” ا ، ملوٙنە دلیٛ ڕستەی پەی زیاتەر مانادار کردەی ڕستەکەی ، جاری چامنەیچ هەن تەنیا ویٛش ماناو ڕەستەکەی تەمامنوٙ

تاومیٛ  واچمیٛ  ئەجوٙ  ماناو  وەنە شیەی . ئەو یوٙی شیەی  ”  تەشبیە ”  بەخشوٙ ، ئەجوٙ : پەی کەسو دووەمی تاکو کوٙی نادیاری  بەکار مەی ، هام ماناو  “دەڵێی ” سورانین  ، ئەجوٙم / ئەجوٙما  : ئەجوٙ+م : کەسی یەکەم و قسیٛ کەریٛ تاکو کوٙ ی ،  ئەجوٙت/ ئەجوٙتا  : ئەجوٙت دنیا بەپوش سەرگیریاینە ، ئەجوٙش/ ئەجوٙشا : ئەجوٙش شاری بیٛحاکما _ ئەجوٙش مەمروٙ.

ئەجیٛ /ئەجیٛش / ئەجیٛشا /  ئەجیٛم / ئەجیٛما :  ئەجیٛ دوٙش مجیان  پەی کەسی  دووەمو یەرمیٛ تاکو کوٙی بەکار مەی ، جە ویەردەی دوور و تەمامنە ، ئەجیٛم /ئەجیٛما  توٙشو کەسیٛوە خاسی ئاماینمیٛ .

ئەجیام :  ئەجیاما ، / ئەجیات / ئەجیاتا ، ئەجیاش/ ئەجیاشا  پەی ویەردەی ، کەسی یوەمو دووەم یەرەمی تاکو کوٙی … ئەجیام سەیرانت کەردەن ، ئەجیاما سەیرانتا کەردەن ..هتد

ئەجیابیٛم ، ئەجیا بیٛما ، ئەجیا بیٛشا لوانیوە پەی کویٛسانی … پەی ویەردەی ئینشائی _ ئەرەنیای

بڕێ جاریٛچ  ماچمیٛ :  ئەرەجیوم ، ئەرەجیام ، ئەرەجیاما ، ئەرەجیوش ،ئەرەجیاش، ئەرەجیاشا  ، ئەرەجیات ، ئەرەجییٛت ، ئەرەجیاتا ، چیٛگەنە  وەڵوەچ _ وەڵگیٛرو ” ئەرە ” ی کەوتەن وەڵیٛش

دماجار ماچو ” ئەجیای  چەمیٛوەی سادەی نادیارەن  ، ئەرەجیای چەمەی ئەرەتاشیای نادیارەن .

 هەڵای چەمەڕاو سەرنجەکاتانا

           د.ناجح گوڵپی   23/3/2018

 

 

 

 

 hewraman
Load More In پەیلوای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

چ ڤیتامینێوە پەنەوازەن ژەنی شوٙتدەرە بوەروٙش؟

 چ ڤیتامینێوە پەنەوازەن ژەنی شوٙتدەرە بوەروٙش؟ جە ماوەو لەمپەڕینە  ژەنی هەر ئینا هوٙشو ئان…