یانە زانای مادەو پاکوتەمیزکەردەی ، تەرسێوە گەوریٛ سەرو شوٙشیٛ

مادەو پاکوتەمیزکەردەی ، تەرسێوە گەوریٛ سەرو شوٙشیٛ

159

مادەو پاکوتەمیزکەردەی ، تەرسێوە گەوریٛ سەرو شوٙشیٛ

زەرەرو پاکەکەرە کیمیایەکا سەرو شوٙشیٛ ، ئنڎەو 20 جگەرا بوٙنە جە ڕوٙێنە

وەنای و هوٙروشکنای تازە بەرشا وستەن هەکە بەکار ئاردەی پاککەرە کیمیایەکا زەرەریٛوی فرەشا هەن سەرو شوٙشیٛوە ، بەتایبە  سەرو ژەناوە چوون فرەتەر ژەنی ئی مادە تەمیز کەرا بەکار مارانە ، یانەنە یام یاگیٛ هەرمٙانیٛنە  ، وەراوەر کریان بە زەرەرو 20 جگەرا سەرو سینەی و شوٙشیٛوە  جە ڕویٛنە هەکە کەسێوە کیٛشوٙشا .

پروٙفیسور _ دکتوٙر سیسیل سفانیس جە  زانگاو برگنی نەرویجی جە ماوە ویس ساڵانە هوروشکنایێوەش کەردەن سەرو زیاتەر جە شش هەزار کەساوە و جە گوٛارو  امریکان سوراسیک سوشیتی ، امریکان جورناڵ و کوٙئەندامو هەناسەی  وەڵا کریانەو  ” American Thoracic Society’s American Journal of Respiratory and Critical Care Medicine

بەرکەوتەن هەکە ژەنی فرەتەر ناڵنا دەسو نیشانەکا هەناسەیو سینەیشاوە ، دماو بەکار ئاردەی پەی ماویٛوی دریٛژی  مادەو تەمیزکەردەو دلیٛیانەیو چاشتخانەی و ئەڎەبخانەی ….هتد

بوٙوە هورلوشتەی سەرەمڕە بوٙ  بە بایسو هورماسای شوٙشیٛ و لکای و بەستەی لوولە هەوایەکاو ، تەنگە نەفەسی .

هەرپاسە بەکار ئاردەی مادەو پاکو تەمیزی  هەفتیٛونە یەک ڕوٙ زەرەش هەن ، مەشوٙ هاگاداریٛ بیمیٛ جە جوٙرو پاککەرەکەی ،  ئینە ئانەی مەیاونوٙ ئتر دەسو پاکو تەمیزی یانەی بازمیٛ ، وەلێ مەشوٙ بە وریایوە بەکارش بارمیٛ ، بەتایبە ئا پاک کەریٛ هەکە پژگیا و وردیلەکیٛشا چەنی هەوای تیٛکەڵیٛ بانە و چەنی هەوای هوٙرشا لوشمیٛ .

بیەن یاگیٛ سەرنجیٛ هەکە ئا ژەنیٛ سەرەمڕە مادەو پاکەردەی و تەمیزکەردەی بەکار مارانە یانەنە ، هەرمانەو شوٙشو سینەیشا کەمش کەردەن ، و پیٛسەو پیایێوە هەکە ڕوانە  10 هەتا 20 سیگاریٛ بکیٛشوٙنە .

وەرو ئانەی زاناییٛ موٙچیاریما کەرا هەکە دووریٛ گنمیٛوە جە بەکار ئاردەی مەوادی کیمیایی پەی پاکو تەمیز کەردەی دلیٛ یانەی ، تەنیا  بە پەڕوی تایبەی ”  مایکروفایبر ” چەنی ئاویٛ ، وەسیٛن پەی پاک کەردەو  کاشی و ئەڎەبخانەو چاشتخانەی …هتد

ئەگەریچ هەر کوٙڵما نەڎا ، مەشوٙ جوٙریٛوی کەم زەرەر بەکار بارمیٛ و دەم هوٙرربەس  بەکار بارمیٛ تا کەمتەرین وردیلیٛ و بوەو دەرمانە کەی بلوٙنە دلیٛ هەناسەی و سینەی و شوٙشیٛما .

جە ئینترنیتۆ ئاردەنم

هورگیٛڵنای و ڕیٛک وستەیش  د.ناجح گوڵپی

7/5/2018

 hewraman
Load More In زانای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

چ ڤیتامینێوە پەنەوازەن ژەنی شوٙتدەرە بوەروٙش؟

 چ ڤیتامینێوە پەنەوازەن ژەنی شوٙتدەرە بوەروٙش؟ جە ماوەو لەمپەڕینە  ژەنی هەر ئینا هوٙشو ئان…