یانە گردین هانەو پیرشالیاری

هانەو پیرشالیاری

155

هانەو پیرشالیاری

دلیٛراسەو دەگاو گوڵپی هانێوەبیٛ پنەش واچیٛنمیٛ هانەو پیرشالیاری، ئی هانە دلیٛ چاڵێوە گەوریٛنە بیٛ و بەدیوار دەورش گیریا بیٛ و بە پلەکانی وەزینیرە دلیٛش ڕەنگا دەمەتریٛ زیاتەر بیەبوٙ ،من ویٛم چندەها جاریٛ لوانا دلیٛش و ئاویم واردیٛنە، ویٛەردەو ئی هانەیە  فرە کوٙن بیٛ،  وەهاریٛنە  ئاوەکیش تەقیٛ و چنی ئاوەکاتەری لویٛ یاگێو تەروٙ زییٛوە  چاگەیچ هەر پنەش واچینمیٛ هانەو پیرشالیاری، یانەو ئوٙساقادری گنیٛ سەرو چەمەو  وەهارە ئاو و هانەکەی، چاوە پڕیٛرە بەرەو ئاساوی و لویٛ پەی وەردەگای و پەخشانە بیٛ دلیٛ زەمینەکا وەردەگایرە، هامنیٛ کەمە بیٛوە دماتەر وشکە بیٛ، وەلیٛ چەمە ئەسڵیەکەش دلیٛ هوٙشەو مەکتەبی هەر مەنیٛو وشک نەبیٛ،هەرکەسێو گوڵپی کە چا مەکتەبەنە وانابوٙش ،بەدڵنیایوٙ  چا ئاویشە نوٙش کەردیٛنە.

گیٛڵناوە  خەڵکو دەگای پەی هەڵیز ژەنتەی و ساوەر گرینای و دانەدوٙ گرتەیوٙ فرەو  هەرمانەکاتەریشا  چی ئاویٛ کەلکشا هوٙرگیٛرتەن  چون بە تەبەڕکشا زانان  واتەنشا پیت و بەرکەت گنوٙ دلیٛ دوٙکەیما،ساوەرەکەیما دانەدوەکیما، ئینە  ئانەی مدوٙ بەر کە  خەڵك و ئا دەگاو هەورامانیە  تا ئاوەختەو دماتەریچ کاریگەری ئاینو کوٙن و  ناوچەکەی  (ئاینو زەردەشتی)  دلیٛشانە  مەنەبیەن،سەربارو باوەڕیشا بە ئاین و ئیسلامی.

وەڵیٛ ئانەی  مەکتەب کریوە پەی گوڵپی سەرو ئی هانەیٛوٙ سورە چناریٛ زەریف و بالابەرز لوابیٛ ئاسمانەرە نەتاویٛنی تەماشەش کەری، کڵاوە گنیٛرە سەرەتۆ  ئەگەر دینیٛ پەی قەلاپوٙپەیش، دیمەنێ زەریفتەرش دابیٛ دەگاو گوڵپی دوورۆ پیٛوییٛ ، هەر بوٙنەو  ئی سورە  چناریوە  گەڕەکیٛوە گوڵپی نامیٛش “گەڕەکەو چناری “بیٛ، دماو کەردەیوٙە و مەکتەبی جەدەگاو گوڵپی  ساڵەو (1932-1933) هانەو پیرشالیاری کەوت دلیٛ هوٙشەو مەکتەبی و ئیتر پەی ئاو  واردەی مەکتەبی بەکار ئیٛ و خەڵک  کەمتەرئیٛ ئاویش چنە بەریٛ  مەگەرپەی تەبەڕکی ئاما بییٛنیٛ.

داخەم مەشوٙ دماو بارکەردەی دەگا وگوڵپی  و ساڵەو (18/9/1978)  پیسەو هانەکا تەرو دەگای و گرد و باخو مڵکەکا جیا مەن،  ناوچەکەما  بی بە(  قەدەغە) کەس نەیاریٛ بلوە  پەی دەگای ،ویٛما خورماڵ بینمی ئوٙردوگای زوٙرەملیٛنە، هانەو پیرشالیاری  هەتا  ساڵەو  1988 ی مەنەبی ،وەلیٛ دمای جەنگو داگیرکەردەی هەڵەبجەیو و ناوچەکەی ، بە نونگەو دای وەنەو  جادەیوٙ  جەلاسو   هەردوی تەرفا جەنگیوٙ  هانەو پیرشالیاری پەڕ کریاوە و  کوٙر بیوە کەوت وەرو جادەیوٙ ، تامانگەو  6/1988 ی  چنارەکەیچ مەنەبی، چوون جاریوەشا چەودیمۆ  ئامانیٛ پەی هەلەبجەی  جە خەرپانیوە دیم، ئتر نمەزانو ئایا چەنی دای وەنەی جادەکەی هەم هانەکەو هەم چنارەکە  دلیٛنە شییٛ یام بە جیا وەڵتەر هانەکە  کوٙر کریانوٙ  و دمایی  چنارە گەورەکەشا  بڕیەبوٙوە بەی تەماعی کەلکشا چنە وەرگرتەبوٙ  چون فرە گەورەبیٛ ،ڕەنگا  چن تەنیٛ تەختەش چنە ئامابوٙوە.

پەرسایم ئەو چنڎ ڕیش چەرمێوە دەگاو گوڵپی ، واتشا زوو  نزیکو هانەکەیەنە پیرشالیار یانێوە گولانەش چیٛگەنە بیەن ،  ئینە ئانەی بەر وزوٙ هەکە پیرشالیار زمسانیٛنە ئامابوٙ گوڵپ ، چون دەگاو گوڵپی گەرمیان تەرە بیێنە جە هەورامانی ، شکە گیٛروٙش  وەرو سەرداو هەورامانی  زمسانەنە بارگەش ئاردەبوٙ گوڵپ ، هەرپاسە  تەشکو تایبەو هانەو پیرشالیاری هەکە ژنیەنم چنڎ دەگایوە تەرو ژاوەرۆینە هەن ، هەر پی جوٙرەنە ، بەتەوەنی دیوارەکەش چنیان تا وار  ، دماتەریچ یوٙ جە نەوەکا پیرشالیاری ئامان گوڵپ مەنەنۆ بە نامیٛ ” حەمەڎە وردیکڵەی ” هەتا ئیسەیچ یاگیٛو سوخن و شەخسەکەش ” نەرەکەش ” مەنەن .

د.ناجح گوڵپی

19/6/2017

ویٛنە : ویرانە دەگاو گوڵپی  نیشانە سوورەکیٛ یاگیٛ هانەو پیرشالیارینە .. سپاس پەی کاک سەباحی و ویٛنەکەیش 

 hewraman
Load More In گردین

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

چ ڤیتامینێوە پەنەوازەن ژەنی شوٙتدەرە بوەروٙش؟

 چ ڤیتامینێوە پەنەوازەن ژەنی شوٙتدەرە بوەروٙش؟ جە ماوەو لەمپەڕینە  ژەنی هەر ئینا هوٙشو ئان…