یانە گردین شابانووەو ئێنگلیسی؛نەوادەو ئیمام حەسەنی یا…!؟

شابانووەو ئێنگلیسی؛نەوادەو ئیمام حەسەنی یا…!؟

82

شابانووەو ئێنگلیسی؛نەوادەو ئیمام حەسەنی یا…!؟

ڕۆنامەو”تایمز″و ئێنگلیسی جە نویستێ جالب مداعی ئینەین کە شابانووەو ئێنگلیسی(ملکە انگلستان) جە نەوادەو(زاڕۆزا) ئیمام حەسەنیەن.!
یوەم جار جە ساڵەو۱۹۸٦ی،موسڵمان بیەو شابانووە و ئێنگلیسی کەوت سەرو زوانا بەڵام دماتەر پەشت گۆش وزیا تا ماوێ چیوەڵ کە هەمتەر ئی بابەتە جە ڕۆنامەو تایمزی کەوت وەرو باسی.
ئۆستادێو تاریخ شناسی چی بارۆ ماچو: جه ویەردەنە پەیوەندی وقۆمی میانو “کەس و یانا”و(خانوادەها) ئێسپانیا و ئێنگلیسی بیەن و پاشایاو ئێسپانیا و گەورەیانیٛ ( خاندان ) ئیسلامی پەیوەندی نزیکشان چەنی یوٙی بیەن .

شابانووەوئێنگلیسی جە نەوادەو ئیمام حەسەنی….!!!؟

ڕۆنامەو تایمزی مداعین کە شابانووەو ئێنگلیسی جە بنەڕەت مۆسڵمانەنە و میاوو بە ئیمام حەسەن و حەزرەتو موحەمەدی(ص). جە ساڵەو ۱۹۸٦ی پەی یوەم جاری ئی بابەتە کەوت جبەر بەڵام بەڵگێ باوەر پەنەکریاش نەوێ.
بە پاو هۆزشناسی بابا وپیری،شابانووەو ئێنگلیسی موسڵمانەنە و نەتەوەش گێڵۆوە پەی زەمانو ئێسپانیای موسڵمانی.
“دەیوید ئێستارکی” ئۆستادو تاریخی ماچۆ:ئی بابەتە جالبا و نمەکریۆ واچیۆ درۆینە بەڵام نەسلمیان.!!
ئی تاریخ شناسە پی باوڕەنە کە ئی درەخت هۆزە (شجرەنامە) تا وەڵێو “ڕیچارد کنیسبورگ”ی،ڕاسەن و چی ماوەنە پەیوەندی خانەوادگی میانو موسڵمانێ ئێسپانیا و بریتانیای بیەن.
“ئێستارکی” هەرپاسە ماچو کە پاشای ئێسپانیا و ئێنگلیسی جە سەدٚەی میانی(قرون وسطا) فرە بە یۆی نزیکێ بیەنێ بەڵام ئینە مەبۆ هۆ ئانەی کە جە نەوادێو مۆسڵمانان با.!!
جە وەڵاتو مەراکێشێ هەم چی بارۆ قسەوباسی فرە کریان و حەتا وێبلاگ نویسێ مەراکێشی بە شۆخی
نویستەنش:”اللە،شابانوێما پەیپارێزنی”!!! هەرپاسە کە سەرەنە واچیا جبەروستەو ئی بابەتیە تازەییش نیەن و چنها ساڵێ چیوەڵیچ پژگیا و ڕژگیا موسڵمان بیەو شابانووێ باس کریان. کەسێ پسەو”علی جمعە” موفتی وەڵینو “الازهر”و میسری کە بە سوری پینەی ئێشارەش کەردەن کە شابانووەو ئێنگلیسی جە درەختو بابا و پیری(شجرە نامە) کە حەقیقەتش هەن و ڕاسا یاوۆ بە ئیمام حەسەنی و هەرپاسە حەزرەتو موحەمەدی(ص).
موفتی بە پاو ئی شەجەرەنامەیە ماچو کە دماو دەورانو پاگێرتەو ئێسلامی جە ئێسپانیانە، فرە جە خانەوادێ و خەڵکو موسڵمانو ئی وەڵاتەیە جە حەیبەتی مەسیحیا وناموسڵمانا حەشا جە موسڵمان بیەو وێشانشا کەردەن کە تاومێ بە خانەدانو شابانو ئێلیزابتێ دوەمی ئیشارە کەرمێ کە چا زەمانەنە حاشا جە موسڵمان بیەو وێشا کەردەن.!
جە پەلیانەو “هیستوری”چ پیجۆرە ئامان:”بروکس-بیکێر”ی شەجەرەشناس، شابانو ئێلیزابێتێ جە نەوادەو شاکناچێ موسڵمانێوە ئەندولسی بە نامێ”زائدە”ی مشناسۆ کە جە سەدٚەو ۱۱ عیسایی ڕوەش ئاوردە دینو مەسیحی و بی بە ژەنەو “ئالفونسوی ششۆمی”.
“عبدالحمید العیونی”پی شەجەرەنامەیە بڕواش هەن و ئی پەیوەندیە بەڕاس مزانو و ماچۆ ئەلیزابێتە بە ٤۳ نەسل و پەشتاوپەشت
میاوۆ بە حەزرەتوموحەمەدی(ص).

چکیارێ جە ژیونامەو شابانو ئێلیزابتو دوەمی:

یەرۆمین زاوڕۆ شاهزادٚە”ویلیلام و کیت میدێلتون”یەن کە شەس و پەنج ساڵێن بە عونوانو شابانووەو ئێنگلیسی مژناساش.

فرە کەم گوفت و گۆ کەرۆ و چەنی میدیاکا پەیوەندی عالش نیەن وجە بارەو وێش حەز نمەکەرۆ قسێ بکەرۆ،بەڵام تا واچدێ حەز بە کڵاوا مکەرۆ و کلیکسیۆنێ جە کڵاوێ جۆراوجۆرێش هەنێ.!!!

جە دەورانو زاوڕۆڵەیش پەنەش واچێنێ”لیلی بێت”، نامێ شوەکەیش”فیلیپ”ا و جە ئەسڵ چەنی یۆی فامیلێنێ.

ساڵێ جە ئایێنو ڕۆ زماوەنێشا،تاجەو سانی(تاج سلطنتی)شابانووێ ترەکێ وەردیە موەرۆ و بە زەڕسازو سانی دەستور مدٚا هەرچی زودتەر وێش یاونو ئاگەی و تاجەکێ وەش کەرۆ و بێ درەنگ ئی هەرمانێ لوا ڕاوە و تاج و ئەفسەرو شابانووێ پەی ئایینەکەی یاوا پەنە!!

ئێلیزابت جە تاتەیشۆ و فیلیپ جە ئەدٚایشۆ، میاوا بە شابانو “ویکتۆریای” یانی هەردوە چەنی یۆی فامیلی دورێنی جە واقع فیلیپ میاوۆ بە خاندانێ گەورێو یونان و دانیمارکی بەڵام دماو زەماوەنێ چەنی ئێلیزابێتێ جە گردٚو وەیەردەی باباوپیری(نسبی و قومی) و شانازی هۆزی وێش چەم پۆشیش کەرد.

فیلیپ و ئێلیزابتەی دوەمە(الیزابت دوم) نزیکو ٦۹ساڵێن ژیوای هامسەری وێشا دەس پەنەکەردەن.

ماکوان 

 hewraman
Load More In گردین

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

هەمارو زانایی بیٛسارانی 

هەمارو زانایی بیٛسارانی پەیجوٙریێوەن بە قەڵەمو کورش ئەمینی ، بە تیٛر و تەسەلی لوان تانو زا…