یانە هەواڵیٛ یاوەر هەورامی شاعیر دما یانە ئاوایش جە ژیوای کەرد

یاوەر هەورامی شاعیر دما یانە ئاوایش جە ژیوای کەرد

66

 یاوەر هەورامی شاعیر دما یانە ئاوایش جە ژیوای کەرد

ئاروٙ دماو عەسرو پەنجشەمەی 26/4/2018  شاعیر ” ئیبراهیم عەبدولکەریم دەرویٛش ” ئەشناسیا بە یاوەر هەورامی ، بەیەکجاری و دما یانە ئاوایش جە ژیوای کەردو گیٛڵاوە لاو یەزدانی گەورەی .

یاوەرهەورامی جە ڕاو ڕەسمو پەردەلادای  سەرو دیوار بەندێوە شەهیداو 13/5/1987 ی ،  شارو خورماڵینە ، دماو وانای شیٛعرێوە پەی یادو شەهیدەکا ،  گیانش بەرشی .

یاوەرهەورامی  هەتا ژیواینە بیٛ بە زوانی ئەڎایی ویٛش هونیای واچیٛ ، زیاد جە ویس ساڵان سەرەمڕە بە زوانی هەورامی شیٛعرەکاش منویسوٙ ، خزمەتیٛوی وەرچەمش بە  ڕەوتو شعریٛ هەورامییٛ کەردەن ،  چواردە دیوانە شێعریٛش چاپ کەردیٛنیٛ ، دەیان کوٙڕو کوٙنیشتەنە بەشداریش کەردەن ، شاعیرێوەبیٛ لاو گردو هەورامیەکاوە ئەژناسیا بیٛ .

بە داخو پەژارۆ هەواڵو مەرگو ناوادەو  یاوەرهەورامی خەمباریٛ کەردیمیٛ

پەلیانەو هەورامانی پەرسەو سەرساقی جە خانەوادەو شاعیری کوٙچ کەردەی کەروٙ ، خوای گەورە بەخشوٙش ئیشەڵڵا

گردما گیٛڵمیٛوە بارەگاو خوای

 پەلیانەو هەورامانی Hewraman . net     

26/4/2018

دما ویٛنە عەلی حمەسەعیدی گیٛرتەن

 

 hewraman
Load More In هەواڵیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

هەمارو زانایی بیٛسارانی 

هەمارو زانایی بیٛسارانی پەیجوٙریێوەن بە قەڵەمو کورش ئەمینی ، بە تیٛر و تەسەلی لوان تانو زا…