یانە هەواڵیٛ یاڎو چلوچوار ساڵەو بوٙموارانو هەڵەبجەی کریاوە

یاڎو چلوچوار ساڵەو بوٙموارانو هەڵەبجەی کریاوە

93

ئاروٙ 26/4/2018  جە موٙنوٙمیٛنتو هەڵەبجەینە  یادو بوٙموارانو هەڵەبجەی کریاوە ، بە ئامادە بیەی پاریزگارو هەڵەبجەی و ڕاوەبەری شەهیدان و پاریزگای و کەسوکارو قوربانیا بوٙموارەنەکەی و چنڎ کەسایەتیوە شارەکەی .

  چلو چوار ساڵیٛ چەیوەڵ  جە 26/4/1974 ینە ، باڵە پڕە جەنگیەکیٛ ڕژیٛمو ئیراقی شارو هەڵەبجەیشا بوٙمواران کەرد ، زیاد جە 54 کەسا شەهیدیٛ بییٛ و سەدان کەسیچ زەخمینیٛ کەوتیٛ ،  بە نونگەو سەرکوت کەردەو شوٙڕشو کوردی .

 چاوە ختەنە هەڵەبجەو قەڵادزیٛ بیێبیٛنیٛ بە یاگیٛ  کوٙبیەو فرەو خەڵکو یاگە کا تەرو  کوردەسانی  کە ئامای بیٛنیٛ پیٛوەنیشا کەردەبیٛ شوٙڕشەو ، یام ویٛشا لادابیٛ جە ڕژیٛمو سەدامی ،  دڤیٛ ڕویٛ وەڵتەر قەڵادزیٛشا بوموارانە کەردە، 24/4/1974 .

بەکار ئاردەی بوٙمبو ناپاڵمی و تەقەکەردەی کوٙرانەی دلیٛ خەڵکی مەدەنی لاشەڕیرە ، ماهیەتو ڕژیٛمیش نیشانە دا ، هەکە دوژمنکارانەن ، گەرەکشەن  تەڕو وشک پیٛووەرە سوچنوٙ ،  ئی کردە بە پاو یاسا دلیٛدەوڵەتیەکا ، ئەنجامدای  تاوانەو جەنگیەن ، چون بوٙمبو ناپاڵمی  قەدەغەن بەکار ئاردەیش ، هەرپاسە  تەقەی کورانە دلیٛ خەڵکی مەدەنیرە ، بەهەمان شیوە تاوانە جەنگینەو  یاسای ڕا پەنە نەدان .

هەڵەبجە ویەرینەنە  چنڎ جارێوە کەوتەن وەرو پەلامارەو دلیٛنە بەردەی ، ساڵەو 1930 سپاو ئینگلیزیو جەنگو ئەشکەوڵی ، هەرپاسە هیرشو ئینگلیزی پەی سەرو مەحمود خانو دزڵییٛ  ناوچەو هیڵانپیٛ و دەورووەرشەنە،  ساڵەو 1963 جەنگو پردەو زەڵمی و ماڕای سپاو زەعی سدیقی و حەرس قەومیەکا ، خیٛزیای 1987 ی هەڵەبجەیو هەورامانی و شارەزوری وٙ دماجارا تاوانە  کیمیا وارانو هەڵەبجەی  16/3/1988 ، ئیسەیچش سەر بوٙ هەڵای شارەکە و دەوران دەورش ئوٙخەیشا نەکەردەن ساییٛ سەرەو کوردی و کوردایەتیوە .

ئامادەکەردەی هەواڵی : گوڵپی 

موٙنوٙمیٛنتو هەڵەبجەی
یادگارو شەهیدا کیمیاوارانو هەڵەبجەی
 hewraman
Load More In هەواڵیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

هەمارو زانایی بیٛسارانی 

هەمارو زانایی بیٛسارانی پەیجوٙریێوەن بە قەڵەمو کورش ئەمینی ، بە تیٛر و تەسەلی لوان تانو زا…