یانە هەواڵیٛ ئەوە وانایەو ڕەخنەیی پەی چوار کتیٛبا عادل محمەد پووری لوا ڕاوە

ئەوە وانایەو ڕەخنەیی پەی چوار کتیٛبا عادل محمەد پووری لوا ڕاوە

80

مەراسێموو پەردەلادای و ئەوەوانایۆ ڕەخنەیی پەی چوار کتێباو کاک عادڵ موحەممەدپووری جە شاروو مەریوانی لوا ڕاوە:

ڕۆ 96/2/2 مانگەو پاژەرەژی(گوڵانی)، ڕۆ ڕۆنامەنویسی کوردی، جە لاو ئەنجومەنی ئەدەبی مەریوانیوە و وەڵاوگاو ئەوینیوە، کوڕێوە شایستە پەی پەردەلادای و ئەوەوانای ڕەخنەیی سەروو چوار کتێباو کاک عادڵ محەمەدپووری بە بەشداری شاعێرا، نویسەرا و جەماوەروو شاروو مەریوانی و پۆلێوە ساحێب قەڵەمێ پاوەی و دزڵیێ، لوا ڕاوە.

وەڵێنەو گلێرەکەی بە خێرمای واتەی جە مێمانا و ئامادەبیایا جە لاو بەڕێز کاک ئەنوەر ڕەوشەنیوە وەرپەرسوو ئەنجومەنوو مەریوانی دەسش پەنە کەرد. بەڕێزشا چنی پیرۆزبایی ڕۆ ڕۆنامەگەری کوردی جە خەڵکوو کوردستانی و مێمانەکا، سەروو هەرمانە ئەدەبی و ڕۆنامەوانیەکاو کاک عادڵ محەمەدپووری کورتە باسێوەش کەرد.

دما بە دماش بە بەشداری: بەڕێزا کاک کەیهان عەزیزی، دوکتور ئێسماعیل مەحموودی، د. بەرزان حسەینی و کاک عادڵ محەمەدپووری پەنێلێوە نریارە. د. بەرزان حسەینی پێسە ڕاوەبەروو پەنێلەکەی، یۆ دماو یۆی داواش جە کاک کەیهانی عەزیزی و د. ئیسماعیل مەحموودی کەردە کە باسەکەی دەس پەنەکەرا. ئا ئازیزێ چنی ئیشارە بە چالاکیەکا و ژیونامەو نویسەری، بە دیدێوی ئێنتێقادی و ڕەوشمەند، کتێبەکاو کاک عادڵیشا تاوتۆ کەردێ و جە باری عێلمی و ئاکادێمیوە بەرزشا نرخنای و بڕێ باسێچشا پێسە ڕەخنەی وستێ ڕوە.

بەشێوەتەروو بەرنامەکەی بەڕێز کاک عادڵ بێ کە چنی وەش ئامای بە مێمانا و دەسوەشی بە ڕاوەبەرا کۆڕەکەی و مامۆسایا شیکاری، سەروو کارەکاش و باسە پێوەندارەکاو کۆڕەکەی باسێوەشا وستنە کە جە لاو ئامادەبیاوە پێشوازیش چۆ کریا. دمایین بەشوو گلێرەکەی جە لاو وەرپەرسا ئەنجومەنی و نەشروو ئەوینیوە، بە لەوحێوە سپاسنامە و باقە گوڵێوە جە نویسەری و بەرهەمەکاش، قەدرزانای کریا و پیجۆرە مەراسێم، دماو یەرێ سعاتا کۆتاییش ئاما.

کتێبەکێچ ئینێ بێنێ:

١- طرح؛ جریان شناسی شعر هەورامی از ابتدا تا کنون
٢- دیمانە
٣-چەکەریای حەزێ تازێ و عومرێ جادە
٤-راهنمای مطبوعات کردی

   کەناڵو تلگرامو چرپەو پاوە دنگیوەە هوٙرم گیٛرتەن 

 hewraman
Load More In هەواڵیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

پیکوڵی:  tribulus terrestris

پیکوڵی:  tribulus terrestris پیکوڵی یام پیکوڵە، گیواوێن وەھارێنە سەوز بۆنە، سەرانسەرو دنیا…