یانە زانای یوزی Uzi

یوزی Uzi

173

یوزی Uzi[עֻזִּיאֵל]

جهانو “جەنگ ئاسن”ی (جنگ افزار)

نیاز بە تفەنگێ سوک و وەش دەسی هەمیشە بەشیٛو جە داواکاری نیزامی وەڵاتا تفەنگ سازی بیەن . یۆ چی یاگانە؛ئێسراییلەن کە کەوت ئەندیشەو سازناو تفەنگێ کە بتاوۆ وەرو جەنگی دمایینی ئێحتماڵی بگێرۆ و سەرکەوتەی نیزامی بەدەس بارۆ ،  ( پسەو جەنگو 6 ڕۆ ئێسراییل و عەرەبا).
ئەندیشەو سازناو تفەنگێ بە برەندی ئیسراییلی پەی یوەم جاری جە زەینو سەرگۆردێ نیزامی جولەکەی ئاڵمانی ئێسراییلی بە نامێ” یوزی ئێل گال”ی بروسکەش شانا و دماتەر بی بە هۆو سازناو تفەنگێ وەش دەس و سوکی بە نامێ”یوزی” یام ” ویزی ”  [بەعبری:عوزی]

یوزی موسەلسەلێ دەسی ساختو ئێسرایلیەن، هەرپاسە کە واچیا ئی موسەلسەلێ جە سنعەتو تفەنگ سازی سەرەتایی
ئێسراییلیاو جە دهەو 1950ی بە دەسی سەرگۆردێ جولەکەی بنەڕەت ئاڵمانی٫ ئێسراییلی بە نامێ”یوزی ئل گال”(GAL) تەڕاحی بی و ئننەشە نەخواینا ساڵێ دماتەرش ئەرتەشو ئێسراییلی سازنای بە کۆمەڵش دەس پەنە کەرد.
سەرگۆرد یوزی جە تفەنگێو ساختو وەڵاتو”چوکۆسلواکی”(czechoslovakia) بە نامێ(ZK 457 ) بەهرەش گرت و بەجۆرێ ئی تفەنگە سەرمەشقو سازناو یوزی بێ.
نامێ تفەنگو یوزی بە داواکاریو وەزارەتو وەرگیری ئێسراییلی و جە نامێ سازەندەیش گێریا.
بە باوەڕو فرە جە کارشناساو تفەنگی و سەنعەتو جەنگی یوزی عالتەرین تفەنگی موسەلسەلێوا کە تا ئیسەتێ جە جهانەنە وەش کریان ، بە پاو وەسیەتو سەرگۆرد یوزی ئێمتیاز و مافو نامێش دریا بە وەزارەتو وەرگیری ئێسراییلی.
یوزی[عوزی] جە زوانو عبریەنە یانی”خواوەن؛ زۆردار و گەورەن!!”

یوزی چا تفەنگانەنە کە “دەنگ کپ کەر”(صداخفه کُن) سەرشۆ مەرزیۆرە، ساختارو یوزی پیجۆرەنە کە بە یەک دەسیچ متاوی گیریش و پەنەش تەقنی و ئینەیچە گێڵۆوە پەی شێوازو گردینو ئی تفەنگەیە .
ساختارو ” T ” ئی تفەنگیە و یاگەگیری خەشابی جە دلێڕاسەشەنە جۆرە ترازی( تعادل)و گلێرگایی وەزنیش وەش کەردٚەن کە بیەن سەبەبو ئینەیە ئی تفەنگە وەختو مەشق و تەقنای کەمتەر توشو لەرزاو و تەکانێ بۆ ، حەتا وەختارێ ئینا سەرو تەقنای وێ کاریچ(خودکار)، لەرەش نیا و ئینە بیەن هۆ دیقەت و ڕێک نیشانەگیری.
بەرەج و وێ گێرتەو یوزی جە دلێو هەڕو چڵپاویەنە فرە ئینا سەرۆ ، تیکەو(قطعه) “شێوازوتەقنای”(برگە ناظم) یوزی ئینا لای چەپو و ڕاسەرو ئی تفەنگیە و به یەریٛ جۆریٛن :
“ضامن و قۆڵف٫تەک تیر٫ڕگبار (تیرواران)کارمکەرۆ ، 600 گولێ جە هەر دەیەقێ متەقنۆ و کارایی وستەیش(برد موثر)200 میترێن.

یوزی بە هۆ سوکی و وەش دەسی و مەشقێ جیاوازیش،عالتەرین تفەنگو جەنگی چریکی و پارتیزانیەن.
یوزێ بە تفەنگێ مشناساش کە فرە جە شۆڕش و چالاکی ئازادی وازانەو جهانیش هەر جە فلەستین تا ئارژانتین و شیلی و نیکاراگواش خەفە و سەرکوب کەردٚێنێ و بە تفەنگو دژ بە ئازادی مژناساش.( تفەنگی تیروریستی)
وەڵێ شۆڕشو ئێرانی و جە زەمانو پاڵەوی دوەمی کە پەیوەندی ئێسراییل و ئێرانی جە سەتح و پلەی فرە عالیەنە بێ پەیمان نامێ میانو دوە لای ڕێک کەوت کە هەزاران تفەنگێ یوزی جە ئیسرایێلی سنیاو و جە سازمانێ نیزامی و گلێرگانێ ئەمنی ئێرانی بەکار لوای .

شناسنامەو یوزی :
1-ڕێک وستەو ئایریش(نظم اتش)بە دوێ جۆر: تەک تیر و ڕگباریەن.
2-بە فشارو ڕاسەڕاو گازو باروتی گنۆکار.
3-بە کومەکو هوای فێنک بۆوە.
4-خەشابی 30 تیری موەرو
5-دەسگاو نیشانەگیریش(مگسک)هەن
6- سەرو سەرنەیزەکەیش(سرنیزە) چراوی تیشکی(نوری)پەی جەنگو شەوانەی مەرزیۆرە.
7-چراوتیشکی چەنی لولێ و تیکەی قەرەوڵ گیری ڕێک بۆ یانی ئا تێشکێ کومەک کەرو عانێ گنۆ تیر وستەی ئیتر نیازێش بە نیشانە گێرتەی نیەن.

تایبەتمەندی :
1_وەزنێ کەم و کۆتایی لولەو ئی تفەنگیە ئیمکانو ئێستفادە جە دوخێ جۆراوجۆری پەی کاربەریش فەراهەم مکەرۆ.
2-وەختارێ گەلنگەدەنش(گلنگدن) واز بۆ هەرمانە کەرۆ و پی بۆنەو نیازێ بە فێنێک کردٚەیش نیەن.
3-گیرەی موتەمانی(گیرە اطمینان)جە گەلەنگەدەنو یوزی کومەک کەرۆ تا گۆترەی تەقە نەکەرۆ و تەکانێ نەوەرۆ.
4-دەستگیرەو تەقنایش جۆرێ سازیان تا هەر وەختێ نیاز بە تەقنای بۆ زو عەمەڵ کەرۆ .(کەڵک جە وەخت و زەمانی)
5-خەشابو یوزی نا دلێڕاسەشەنە و ئینە بیەن هۆ تراز و تەعادڵیش.
6- یوزی دۆێ جۆر قۆناخێ تاکەر(تاشو) و چوینێش(چوبی) بە ئەنازەو 20 سانتی متری هەنێ .(چی دماوە ئێستفادە جە چۆی پەی قۆناخو یوزی کەمتەر بیەن)
7-جە بەدٚەنەو یوزیەنە جە پۆڵای پرێس کریای کەڵک گیریان و جە تەشکو یاگە دس و هەرپاسە ڕوپوشو یاگە تەپانچەیش جە پەلاستیکی ئێستفادە کریان.
8- تفەنگو یوزی ئێسەتێ جه هولەند و ئێسراییلەنە ساز کریۆ و جە٫ ئامریکا و ئاڵمان و پاناما و پرو٫ و ئێرانەنە پەی جەنگی پارتیزانی و چریکی ئێستفادەش چەنە کەرا.

پانویس:
جەنگ ئاسن(یوەم جار جە زوانو ڕیش چەرمێ هۆرامی خەڵکو مەریوانی ئەژنەویم)/جنگ افزار.
مسلسل/تفەنگێ کە پەیاپەی گولە شانۆ و تیرواران کەرۆ.
گەڵەنگەدەن(گەلنگدن)/تیکێ کە ئامادە کەرو تفەنگیەن/مسلح کردن
قۆناخ/قنداق/قنەو تفەنگی کە پەی تیرشەنەی ” شانای ”  و قەڕەوڵ گێرتەی گنو سەرو سینەی.

 hewraman
Load More In زانای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

پیکوڵی:  tribulus terrestris

پیکوڵی:  tribulus terrestris پیکوڵی یام پیکوڵە، گیواوێن وەھارێنە سەوز بۆنە، سەرانسەرو دنیا…