یانە پەیلوای چەنی کوٙنفرانسێوە سەرکەوتە بەسی؟

چەنی کوٙنفرانسێوە سەرکەوتە بەسی؟

79

چەنی کوٙنفرانسێوە سەرکەوتە بەسی؟

وەڵتەر باسما کەردەن  سەرکەوتەی کوٙنفرانسی بەسیان بە یەریٛ نونگاوە  ( کروٙکو پەیجوٙریەکا زانستی و بەرز بوٙ، ڕاوەبەریٛ کوٙنفرانسی مەشوٙ دڵسوٙزیٛ و نەفەس دریژیٛ با، دماجار پەی چارەسەرو گرفتی  نەرمو نیان و چارەسەری گونجیا بیٛزاوە ).

دماو ئینەی دەس کەری بە ئەشناسای کوٙنفرانسی جە ڕاو میدیا جوٙرواجوٙرەکاوە،( تەلەفزیون،رادوین، توٙڕی کوٙمەلایەتی ،پان کارت،بروشور،فلیکس…هتد)،چەنی ئانەیچ نیشانیٛ (لوٙگوٙ) پوٙ گردو وەلاکریاوەکاوە بوٙ، دروشمەکا کوٙنفرانسی چەنیشا بنوسی  سەرو وەلا کریاوەکاوە،هەتا  سەرو داوەتانامەکایچوٙ گرنگا بنوسیش،پەی ئانەی خەڵکی زیاتەر و ئاسانتەر بیاووٙنە جە ئامانج و کوٙنفرانسەکەی.

ڕیٛکوستەی کوٙنفرانسی

ڕیٛکوستەی کوٙنفرانسی هەرمانیٛ فرە ناڕەحەتەنە، کە پیوستیش بە هەماهەنگی و هەرمانەیٛ دەسە جەمعیەنە، بەینو چندەها  کەسانە، ئی هەرمانی بەیەک کەسی مەلوٙ ڕاوە، ئەگەر کوٙنفرانس سەرکەوتە بوٙنە ئانە ویٛنایوە زەریفو کاریگەر دروس کەروٙ جە مەژگو بەشداربیەکانە، چن خاڵیٛ منوسمی تا بزانمی چەنی کوٙنفرانسیٛ سەرکەوتە گیٛرمینە꞉

  1. ئامانج و گرتەی کوٙنفرانسی و خشتەو هەرمانو کاری꞉ وەڵی دەس پەنەکەردەی  ئەوەجەش  بە ئەشناسای و دیاری کەردەی ئامانجەکا کوٙنفرانسین ، گەرەکمانە  یاومی بەچیٛشی ؟ ئامانجەکیٛ کاریگەریشا هەن سەرو بڕیارەکاو راسپاردەکا دمایی کوٙنفرانسی،مەشوٙ هەرمانو کاریچ بە خشتیٛوە دیارە  و ڕوٙشنە  وەرەچەماوە بوٙ.
  2. خەرجی꞉ نمەتاومیٛ هیچ هەنگامیٛ بنیەمی هەتا نەزانمی چن زەڕما هەن پەی بەردەی راوەی کوٙنفرانسی، و بە جوانی دابەشکەردەیش سەرو گردو خولگاکارە (تەوەرە).
  3. ئامادەکەردەی لیست وبەشداربیەکا،خوڵک کریاکا کوٙنفرانسی، و گونجنایش چەنی یاگی کوٙنفرانسەکەی (هوٙڵەکە) وخەرجیەکەی.
  4. کیاستەی خوڵکنامەکا جە ڕاو ئیمەیلیوە،یام بەدەسی یاونیشا.
  5. هوٙرچەنیەی یاگی بەستەی کوٙنفرانسی مەشوٙ گونجیا بوٙ چەنی ژمارەو بەشدار بیەکا، گرد ئاسانکاریٛوە کریابوٙ،پەی مدرای ماشیٛنی ،نزیکی جەیاگی وتەی، وچانیٛ ، چاشتخانەی…
  6. لیژەو نامیٛ بەشدار بیەکا ئامادەکریوٙ پەی نان واردەی.
  7. لازما کوٙمەکو هامکاریو زانیاری هوٙرگیرمی جە فەرمانبەرا یاگی (هوٙڵ) بەستەی کوٙنفرانسەکەی،ئانەیچ ئاسانکارین پەی ئیمە.
  8. بەخشای و ئامادە کەردەی دیاری خیٛرئامای پەی بەشداربیەکا  کوٙنفرانسی، سەرو کورسیەکاوە نریوٙرە.
  9. بەیناو بەین چالاکیی وەش پیٛشکەش کریوٙ،کەسی شارەزاو پسپوٙڕ نریوٙرە پەی قسەکەردەی (بواچ ) ، وچاندای بوٙنە بەینو خولگەکانە، واردەی چاییو کیک…هتد.
  10. ئاردەی و بەردەی بەشداربیەکا کوٙنفرانسی بە ماشینی تایبە ،یاگی وتەیشاوە پەی دلیٛ هوٙڵی
  11. سوپاسو گردی کەرمی پەی مانیای و ئامادەبیەیشا

       

 د.ناجح  گوڵپی

                                       10/2/2017

ئی واتارە پار ساڵ  بە بوٙنەو بەستەی کوٙنفرانسیوە نویستم

کوٙنفرانسو هەورامان ئەژناسای جە هەڵەبجە  20-21/4/2017  بەسیا بە سەرکەوتەی

ئارۆ  پەی یاڎەوەریش وەڵاش مکەرمیٛوە

 hewraman
Load More In پەیلوای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

پیکوڵی:  tribulus terrestris

پیکوڵی:  tribulus terrestris پیکوڵی یام پیکوڵە، گیواوێن وەھارێنە سەوز بۆنە، سەرانسەرو دنیا…