یانە هەواڵیٛ یاڎو یڤەم کوٙنفرانسو هەورامان ئەشناسی

یاڎو یڤەم کوٙنفرانسو هەورامان ئەشناسی

329

یاڎو یڤەم کوٙنفرانسو هەورامان ئەشناسی

پار ئی ڕوە 20/4/2017 ی  کوٙنفرانسو هەورامان ئەشناسای جە شارو هەڵەبجەی دەسش پەنە کەرد ، ماوەو دڤیٛ ڕواش خواینا  ” 20-21/4/2017 ” .

ئینە یڤەم جار بیٛ هەورامانو ئیدیمی بەشو ئیراقی  لاقوٙریٛوی زلە هوٙرگیٛروٙ جە ویارو هەورامان ئەژناساینەو  بە زوانی هەورامی بەروٙش ڕاوە ، ڕەنگا هەرمانیٛ تەر کریای با  پەی هەورامانی وەلێ بە زوانی سوارنی بریاینیٛ ڕاوە ،  سەربارو  چندەها گرفتا ، پیٛسەو گرفتەو خەرجی ، لەیکەودای سیاسی و  نە تاوای نویستەی بەهەورامی جە لاو هەورامیەکا ئیدیمەوە و توٙمەتو تانەو بڕێ خەڵکی  مەژگ تەوەنین ی حزبی  گوایا  مەرامشا هەن و گەرکشانە هەورامانی بڕارە جە هەریٛمو کوردەسانی چنڎە چیٛوێ تەرێ پووچیٛ …. کونفرانس بە سەرکەوتیی لوا ڕاوە .

چی کۆنفرانسەنە زیاد جە 22 پەیجوریما پەی ئامێ ، گردوو پەیجۆریەکا پەڕ ماناو پەڕ بەها بیٛنیٛ چون بە زوانی ئەڎاییشا  هەورامی نویسیای بێنیٛ ، وەلێم تەنیا دەرەتانو پیٛشکەش کەردەی  چواردەیشا بی ، هامدەم  کوٙنفرانس بە شیٛعرو گوارانییٛ ڕازیوە .

ئیٛمە یوەم جارما بیٛ کوٙنفرانسی چیمنە پەی هەورامانی بەرمیٛ ڕاوە ، کۆمەڵێ کەسیٛ خەمەوەریٛ فەرهەنگو زوانی هەورامی بە هامکاری و دەس وستەی وەڵیٛ کاک سامان نەقشبەندی و ژاڵانە خانمیٛ هامسەریٛش ،و بە وادەو بەڵیٛن و کەنەکەی ،  وەلێم کەنەکە جە  دما دەمەنە  پەشیمان بیەو ،  ” ئینە ڕاسینو پەی  ویەرینیش ماچوو ، چون  بە پاو ئا ڕیٛکەوتەیما کە چنڎ جارێوە پیٛوەرە ئەرەنیشتەیما کەرد  ویٛشا دزیەو جە بەردەی سەرو سوزو پەیمانەکیٛشا ” بە هەرحاڵ بی نیمەچڵ کۆمەکشا کەردیمیٛ و  بارو کوٙنفرانسەکەی فرەش کەوت ملو کەسانیٛ دلسوزی هەورامی شارەکەنە ، چوون گەرەکشا بیٛ هەرمانەکیٛ سازە کریوٙ و شکست ناروٙ ….

چی کۆنفرانسەنە برا هەورامیەکیٛما چەودیم فرە بە ڕێکو پیٛکی هامکاریٛما بییٛ  جە گردو ویارەکانە ، بەکیاستەی بابەتی و شانە دای وەرو گرفتەکا کۆنفرانسی چەنی ئیٛمە … ئینە هەتا دنیابوٙ پەی ئیٛمەی هەورامی یاگیٛ شانازی بیٛ ئینا وەرو چەماوە  کە هەورامیەکیٛ هەردەم ئامادەو هامکاری یوترینیەنیٛ  .

هەرپاسە بەرکەوت کە هەورامیەکیٛ ئیدیمچ  ” سەربارو ویرو تەسکو حزبایەتی کە بیەبیٛ بە لکەو بەشداری کەردەیشا بەکەمی ”  هەکە فرێوەشا حازرو ئامادیٛنیٛ پەی هەرمانکەردەی  ئەوەژیونای زوانو فەرهەنگەکەیشا ،  من جە یاڎ بەستەی کوٙنفرانسینە ، سپاسو دەس وەشی  ئەو یوە یوەیشا کەروو ، ئومیٛڎم هەن هەکە دماڕوٙنە بە تینو تاویٛ زیاتەرۆ بەیانە مەیڎان پەی خزمەتو زوانەکەیشا .

یاگیٛ ستایشین هەکە باروشۆ ویرما  برایا  ” باجەلان “ی جە نزیکو موسڵی بەشداری کۆنفرانسکەیشا کەرد ،  ئینە ماناو ئانەی مڎوٙ ویٛشا بە بەشیٛوی جیا نەکریا جە ئیٛمە مزانا .

دماجار کتیٛبو پەیجوٙریەکا کوٙنفرانسی چاپو وەڵا کریاوە ، کەلکیٛ فرەش یاونا ئەو ئاخەڵکایچە هەکە بەشداری کوٙنفرانسیشا نەکەردەبیٛ جە نزیکۆ .

بڕیار بیٛ ئیساڵیچ هەمتەر  کوٙنفرانس بەسمیٛ وەلێ  بە تەشکیٛ جیاواز ، لایەنی سیاسی  کۆمەکمان نەکەروٙ ، کۆمەک جە هەورامیەکا ویٛشا کۆ کەرمیٛوە ، وەلێ بە نونگەو گرفتەو ” ژڵیٛژیای _ قەیرەنو دارایی ” نەتاواما یاومیٛ  وەرپیٛکەکەیما ، دماجار  مەشوٙ ویرما نەشو کە ئیدارەو پاریٛزگاو هەڵەبجەی بە پاو تەوانو ویٛش هامکاری و ئاسنکاریش پەیما کەرد ، کەیاگیٛ  دەس وەشی بیٛ .

ئارۆ پەی یادو ئی ڕووە گرنگەیە حەزم کەرد ئی چنڎە واتایا بنویسو پیٛسەو یادەوەریێوە گرنگی  تا ویرمانەو پەی ویەرینی مەنوٙوە

د. ناجح گوڵپی  20/4/2018

 hewraman
Load More In هەواڵیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

یوەمین “ئەنیمێشن”و جهانی

یوەمین “ئەنیمێشن”و جهانی جە سەرزەمینو باستانی”شاری سۆتە” جە ٦٥ کیل…