یانە زانای سڕ و نهانو ئی ویٛنەیە چیٛشەن!؟

سڕ و نهانو ئی ویٛنەیە چیٛشەن!؟

93

سڕ و نهانو ئی ویٛنەیە چیٛشەن!؟

ماجراو بەڵاجەوی وێنەو دایناسورێ(Dinosaur) کە بە دەسی سەربازانێ ئامریکایی جە جەنگو دلینو ئامریکای(جنگ داخلی) شکار بیەن!!

ئایا ئینە ڕاسەن؟

ڕاستەرین و شناسیاتەرین بەڵگێ تاریخی کە جە بارەو دایناسورێ 65 میلیون ساڵە قڕکەوتە(منقرض شده) ئینا دەسماوە، وێنەو دایناسورێوا کە مگێلۆوە پەی دلێڕاسەو سەدٚەو(قرن) 19 عیسایی و دەورانو جەنگێو دلینو ئامریکای.
چی وێنەنە؛سەربازێ ئامریکایێ جە پاڵو چێوێ ! پسەو باڵەندێ فرە زلیەنە مدراینێرە کە دەورانو ژیواو ئی باڵەندەیە گێڵۆوە پەی وەڵێو تاریخی و ئینە نیشانه مدٚۆ کە ئی “لوریە”(جاندار غول پیکر) بە دەسو تفەنگدارانی ئامریکایی شکاربیەن.

ئی دایناسورە کە بە “پتێروسور”(Pterosaurs)نامیەن و چێرلەقو”دیوپکفالوس″/Pterodactyls مشناسیۆ، جە شارو  “ویکسبورگ”ی (Vicksburg) و ساڵەو 1864ی عیسایەنە ئێزیانۆ.

“جاناتان وایتکوم”(Jonathan Whitcomb) پایەنیاو(موسس) وب سایتەو “livepterosaur” کە وێش بە زانشمەندو “بابەتێ گردینو زانشتی” ، مشناسنۆ ، واتەنش:ئی وێنە ڕاسا !و ئا باڵەنده گەورە کە ئی سەربازە ئامریکایێ جە بارەشەنە قسێشا کەردٚینێ
و وێنەشا چەنە گێرتەن،جە جۆرو “پتروسور”یەن.
چن کەسێ تەری مواچان: ئی دایناسورە جە ئەسڵ دایناسور نیەن وجۆرێ قایەقو سەرو ئاوێن!!؟ و مواچان: ئی وێنە پسەو قایەقێ باریک و درێژیی مرمانو وئینە دایناسورێ حەرەقەتی نیەن..
یۆ چی کەسانە کە ئی وێنەیە ڕەد کەرۆ “لوئین کولمەن”ا( Loen Colman) کە تائیسەتێ 40کتێبێش جە بارەو گیاندارانێ تاریخی نویستێنێ و پی باوڕەنە کە ئی وێنە ڕاس نیەن.
دوێ زانشمەندێ تەری جە ساڵەو2017ی ڕاس بیەو ئی وێنەیشانە سەلمنان و بە سوری و بە بەڵگێ زانشتی پینەیە ئێشارەشا کەردەن کە ئی وێنە تەمام ڕاسەن و بە پاو وردەکاری زانشتی، ڕاسی ئی وێنەیە سەلمیۆ.

هەرپاسە کە واچیا؛ یاگێ شکارو ئی دایناسورەیە جە شارو”ویکسبورگ”ی ڕوەش دان و بە دایناسورو پتروسوری(Pterosaurs) نامیەن و جە ساڵەو 1864ی وێنەش کەوتەن.
مشیۆ ئینەیچە واچیۆ کە جە ساڵانو 2000 تا2001ی وێنەوێ تەری پسەو ئی وێنەیە جە دلێو پەلیانای ئینترنتی کەوت بەر و دماتەر جە بەرنامێ تلویزیونی بە نامێ “FreakyLinks” وورژنێ جەعەلیشا سەرو ئی وێنەیە “فتوشاپ” کەرد.!

جیا چی وێنەیە کە هەمژیوای (همزیستی)میانو ئانزان و گیاندارێ وەڵینو تاریخی(ماقبل تاریخ) پەی ئێمە نیشانە مدٚۆ؛ جە نماگاو(پرستشگاە) وەڵاتو “کامبوج”ی جە ئاسیای پانیشتو وەرهۆرزی (اسیای جنوب شرق)جە قەدٚو تەوەن نەخشێ (سنگ تراشی)،وێنێو جە دایناسورێ زلی کە میلیونها ساڵێ چیوەڵی ژیوان،هەن.
“تاپروم”(Ta Prohm) نامێ ئی مەعبەدەیەنە و چی “تەوەن نەخشەنە” دایناسورێ گەورە کڕیان کە فرە ئەو”ئستگوسور” ی مشۆ.
بە پاو ساڵەو سازناو ئی مەعبەدیە کە گێڵووە پەی سەدٚەو 12 عیسایی، فرێ جە زانشمەندا پی باوەڕەنێ کە هەم ژیوایی ئانزان و دایناسورا دور جە زەین نیەن و جە واقع دەورانێ جە تاریخەنە ئانزان و دایناسورێ یۆترینشا دیەن و چەنی یۆی ژیواینێ!!؟
حەتا ماوێ چیوەڵی جە شارو”داووسون” ئامریکاینە،شاخو دایناسورێ بە نامێ”تریسراتوپس″شا(Triceratops) ئێستەبێوە
کە هەر پسەو”ئستگوسور”و “پتروسور”ی جزو شناسیاتەرین دایناسورانو سەرو زەمینیەنێ.

بەرئاوەرد کریۆ کە سنعەو تاریخی ئی دایناسورەیە(تریسراتوپس) بیاوۆ 35.5 هەزار ساڵێ چیوەڵی، ئیسە شاخو ئی دایناسورەیە جە موزەو دایناسور و فوسیلو گلیندیو
( Dinosaur anb Fossil Museum Glendive) ئیاڵەتو”مونتانا”و ئامریکای نگادٚاری کریۆ.

بەڵام بە وردوینی و هەرمانێ زانشتی سەلمیان کە دایناسورێ 66 میلیون ساڵێ چیوەڵی قڕ کەوتەن دلێشان و پەی هەمیشەی جە بەین شیەنێ!!؟
چێوێ کە ئەوەشاریان و سەلمیایش نیاز بە بەڵگەو و زانشتی فرەتەریش هەن ئینەنە کە ئایا “هەم ژیوایی “ئانزان و گیاندارانێ پسەو دایناسورا قۆمیان؟
ئایا پێسە چێوێ چی ویەردەنە ڕوەش دان؟
وەختارێ ملیونها ساڵێ چیوەڵی ئی گیاندارێ پەی هەمیشەی جە سەرو گۆ زەمینیەنە(کرە زمین) ناپێدٚای بیەنێ؛ ئایا بیەی تەوەن نەخشو مەعبەدو کامبوجی و وێنەو دایناسورو شکار بیەو جەنگو دلینو ئامریکای دور جە زەین نیا؟
ئی ڕازێ هەڵای پەی فرە جە زانشمەندا ڕۆشن و ئاشکرا نیا و جهانو دایناسورا و ژیوا و بەسەر ئاماو گیاندارێ وەڵینو تاریخی پەڕا جە سڕ و نهان و شاریاو و ئەوەشاریای !!؟ زانشتی و….

ماکوان هەورامی

“Pterosaurs”
نماگاو”Ta Prohm”جە وەڵاتو کامبوجیەنە.
Triceratops

 

 

 hewraman
Load More In زانای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

پیکوڵی:  tribulus terrestris

پیکوڵی:  tribulus terrestris پیکوڵی یام پیکوڵە، گیواوێن وەھارێنە سەوز بۆنە، سەرانسەرو دنیا…