یانە زانای بەرنامەو کشوەرو چینی پەی سازناو گەورەتەرین سامانە(سیستم) چۆئامەو(تولید) وارانو جهانی.

بەرنامەو کشوەرو چینی پەی سازناو گەورەتەرین سامانە(سیستم) چۆئامەو(تولید) وارانو جهانی.

463

بەرنامەو کشوەرو چینی پەی سازناو گەورەتەرین سامانە(سیستم) چۆئامەو(تولید) وارانو جهانی.

ئیتر داعێش و ئەلقاعیدەو و نائارامی خیابانی فەراموش کەردێ.!
ئەر تا ئیسە جەنگ جەنگو نەوتێ بیەن، دهەو دماڕۆ جهانی دهەو جەنگو ئاوێن.
چێوێ که هەر جە ئیسەو وێش دیاری دان؛ کەم بێەو و جە بەین شیەو سەرچەمێ سرووشتی و تایبە سەرچەمانێ ئاویەن.
وەڵاتو چینی خەریکو وەش کەردٚەو گەورەتەین سامانێ ئاویەن. ئەڵبەتە جە هەور و ئایردان(مشعل)و “وای “.

ساڵانە چی وەڵاتەنە ٥٥ میلیاردتۆن جە وارانی ناسروشتی(مصنوعی)،ئاوی بەدەس مەی و پەی دماڕۆیچ بڕێ بەرنامێ ڕێک و پێکێشا ئینای دەسۆ.
پیجۆرە کە بە کەڵک گێرتەی جە فەن ئاوەری(تکنۆلوژی)نیزامی بڕیارەن جە بەرزایەکاوتەبەتی(فلات تبت-Plateau) سامانەو بەدەس ئاردەو وارانی جە هەورا بمەرزنانێرە کە پانایی و ڕاوجاو بەڕابەردەو ئی کارە گەورەی یەرە بەرابەرو وەڵاتو هیسپانیەن. (اسپانیا)

ئی سامانە بە کونترۆڵو و چەمدٚاری فاڕیایی ئاووهوای و بە کەڵک گێرتەی جە ئایردانی(مشعل)، متاوۆ ڕادەو وەشت و واری تا ۱۰ میلیاردمتری چواردو(مکعب) زیاو کەرۆ؛ کە ۷٪ ڕادەو کارکەردەو ئاوەو گردٚو وەڵاتو چینیەن. بڕیارەن ‌چی پڕوژەنە دەیان هەزار ئایردان(مشعل) بە شێوازی یەکپارچە جە سەرتاسەرو فەلاتو تەبەتیەنە مەرزیانێرە کە پاناییە(مساحت) فرەتەر جە ۱/٦
میلیون کیلومێتری چوارگۆشی گێرۆرە و گەورەتەرین پڕۆژەو باروەرکەردٚەو هەورانەن جە گردٚو جهانینە.

ئی ئایردانێ(مشعل) بە سۆچیاو سۆتەمەنی ڕەق(سوخت جامد)کار کەرا و بە سازناو “یدیدنقرە  و پەخش و پەڵا کەردەیش جە ڕاسەرو زمینی و نزیکو هەورا؛ وارانی دەستکەرد وەش بۆ.
کەڵک گێرتەی جە”یدید نقرە”ی تازەییش نیەن و وەڵتەریچ پی ڕەوشە هەورێشا باروەر کەردێنێ و وارانشا چەنە وەش کەردەن.
گردٚو ئی ئایردانانە(مشعل) پێورە پەیوەندیشا هەن و بە سیستمێ سەتەلایەتی پەیوەستە چینی چەمدٚاری و کونتڕول مکریان.
زانشمەندێ چینی دماو وردبینی و کنوکاشی زانشتی جە دەیتا و دادی سەتەلایتی هەواشناسی کەڵک مگێران و هەر عانێ بزانا هەورێ ئا مەنتەقەیە ئامادێنێ ئایردانەکا چالاک کەرا و سیستم مگنۆ ڕا.
یۆ جە زانشمەندو ئی پڕوژەیە جە وات و واچێ چەنی ڕۆنامەو  “South China Morning Post”
واتش:تائیسەتێ نزیکو ٥۰۰ ئایردانێ جە تەبەتەنە مەرزیاینێرە و خەریکێنم زانیاریو ئی ئایردانانە بە شێوازی زانشتی کۆکەرمێ تا پەی ئەنجامو عالی پڕوژەی چەنەشا ئێستفادە بکەرمێ.
تەوەنو بنەڕەت و تەڕاحی ئی پڕۆژەیە بەدەسی سازمانو”هوا وفەزاو”وەڵاتو چینی پاش گێرت و هەرپاسە بە سازناو ئی سامانێ جە”فەن ئاوەری” و تکنۆلوژی نیزامی پسەو موتۆروموشەکی ئێستفادە کریان تا “سۆتەمەنی ڕەقی چگالی فرە”
(سوخت جامد چگالی بالا) بسۆچۆ و شۆنیشەرە بە چۆئامەو”یدید نقرە”ی ؛
و کیاستەیش پەی بەرزاییەکانو ٥ هەزار میتری ڕەوەندو وەش بیەو وارانی تەشک گێرۆ و پیجۆرە کەمی ئاوێ تا ڕادێ جوبران بۆوە. سازناو هەر ئایردانێ نزیکو ٥۰ هەزار یوان(۸هەزار دولار) پەی چینی هەزینەش هەن وخەرج بەرۆ.
پەنەوازەن واچیۆ ئێستفادە جە هەواپیمای( باڵەپڕ ) پەی باروەر کەردٚەو هەوران چنها بەرابەرو ئی پڕۆژەی هەزینەش هەن و ئێژاو واتەیا کە کەڵک گێرتەی جە ئایردانی بۆ هۆ دەس پۆوە گێرتەو(صرفه جویی)خەرج و هەزینەی زیادٚی.
ئەڵبەتە مەرجی سەرین(شرط اصلی) چی هەرمانێنە بیەو”وای”ەن[وزش باد].یانی بە نەویەو “وای” سەرکەوتەو ئی پڕوژەیە دور دەسە یاوەن.
چونکەی “یدید نقرە”بە بیەو “وای” میاوۆ پا هەورانەو و باروەرشان مکەرۆ.

باروەر کردٚەو هەورا چەنی شکڵ گێرۆ؟
پەی ئینەیە تکێ وردی ئاوێ بتاوان جە هەوران بوارا مشیۆ هەر تکێو ئاوی ؛دلین مایەو(محتوی) زەڕێ(ذرات )ئایروسول[Aerosol ] یا تۆمێ(هستە)یەخ سازێ با.
زەڕێ تەپوتۆزی-باکتریێ کە بە شێوازی سرووشتی ئینای قەدٚۆ دارو درەختیوەو هەرپاسە نمەکی دەریای جزو زەڕێو”ئایروسولی”ەنێ کە ئەر نەوان، حەتا ئاوی چیرو۲۰ دەرجە دەمای” گەرمای ” [۲۰-درجە] یەخ نمەکەرۆ.

وەختارێ” یدیدو نقرە” لوا دلێۆ هەورا کومەک کەرۆ پا چکەو ئاوێ کە بیاوۆ چیرو [صفردرجە] و یەخ کەرۆ.
چی دۆخێنە قەتراتێ ئاوی مگناپاڵو”کریستالو”یەخی و واران شکڵ گێرۆ و دماجار وارۆ.
جە پڕوژەو وارانو چینی بیەو هەوری پەنەوازەن و هەر عانێ هەورێ چالاکی وێشا نمانا ؛زانشمەندێ چینیێ سیستمو چۆئامەو(تولید)”یدیدو نقرەکەی” ئەکتیو کەرا.

پلکانو(مراحل)سامانەو تەشک گێرتەو و فرەکەردٚەو وارانی چینی پی جۆرەنە:

۱=هۆرکەردەو وای(وزش باد و وقوع ان) یانی پەی بە ئەنجام یاوناو ئی هەرمانێ بیەو وای پەنەوازەن.

۲=ئایردانێ(مشعل) پەی وەش کەردٚەو “یدید نقرە”ی

۳=باروەرکەردٚو هەوران و دماتەر واراو وارانی

پانویس:

یۆدیدو نۆقرەی/یدید نقرە(سیم) Silver iodide

دەیتا Data/دادە[اطلاعات دسته بندی و گاها خام]

چگالی/density[دانسیتە]

 

پلکانو(مراحل)شکڵ گیری وارانی چینی                   یۆ جە ئایردانو(مشعل) پڕوژەو وارانی چینی…

 

 

 hewraman
Load More In زانای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

چ ڤیتامینێوە پەنەوازەن ژەنی شوٙتدەرە بوەروٙش؟

 چ ڤیتامینێوە پەنەوازەن ژەنی شوٙتدەرە بوەروٙش؟ جە ماوەو لەمپەڕینە  ژەنی هەر ئینا هوٙشو ئان…