یانە هەورامانی بشناسدیٛ دەگاو دەرەهەجیجی

دەگاو دەرەهەجیجی

59

دەگاو دەرەهەجیجی

دەرەهەجیج یام ھەجیجیان  یوەنە جە دەگاکاو هەورامانو لهۆنی، گنۆ 40 کیلۊمەتری سەرنیشتو وەرپڕو پاوەی و 5 کیلۆمەتری پانیشت “وارو” شارو نۆتشەی، دلێ دەرێوە قوڵی پەڕ باخو درەختینە، دەورش گیریان بە کەشو کۆی بەرز و پەڕ درەختو نەرەی و وەنیٛ.

ئی دەگا کەوتێنە سەرو جادەو نۆتشە -پاوەی ،ھەرکەس چێ جادەوە بلۆ دەگاو دەرھەجیجی موینۆ ،ھەردەم یاگێ کەیفو وەشی مسافرو گەشتکەرا ھەورامانی بیێنە.

نۆتشە کەوتەن لای سەری “سەرنیشت” و دەرھەجیجی، لای واریش “پانیشت” و دەرەھەجیجی ئاوەو سیروانی و پەنگاوەو داریانین، دەگاو ھەجیجی کەوتێنە “وەرکەوت” شەو، جە وەرنیشتشەو دەگاو “شەڕەکان “ینە، کەشو سەرکاوی گنۆ بەینو دەرھەجیجی و شەڕەکانی.

دەربارەو نامێ و ئاوەدانکەردەی ئی دەگێوە “نە فرە قەدیم ” ماچا کۆمەلێ خانەوادێ جە دەگاو ھەجیجی لوێنێ ئی یاگێ و خەریکو باخدار و وێژەن کەردەی بیێنێ، ئیتر وردە وردەی کەردێنەشا بەدەگا.

دەرەھەجیج تێکەڵو نۆتشەی بیێنە ،دایمو دەرھەم ھامۆشۆ  بیەن تا ئەوەجەو پنەوازەکا  ژیوای ڕۆزگاریشا چاگەوە دەسگنا.

دەرەھەجیج ھەتا  وەختو دروسکەردەو جادەو تازەو نۆتشەی ئاوەدان بێەنو خەڵکش چنە ژیۋان مەزننەو 250 کەسیٛ بێنێ، وەلێم بە نونگەو ئانەی نەخشەو جادەکەی داش دلێراسەو دەگێرە  وێڕانە بیە ،ئیترخەڵك تاقەتش شی و بارشا کەرد پەی نۆتشەیو پاوەی و ئیسا جاگە زیندەگی کەرا.

ھەرچن خۊڵکو دەگاو دەرھەجیجی نەمەنێ یاگێ وێشانە وەلێ ئیساتێ بۆنە باخە پەڕ سەمەرەکاشاوە پاشا نەبڕیان چاگەی، ‘کێڵ” خانە باخێشا ھەنێ دلێ مڵکەکاشانەو  کارەبا و لولەکەشی ئاوێشا بەردەن دلێ باخەکا ، ئتر سەمەرەکەیشا موەراو  پەی خەرجو ڕۆزگاری سودش چنە ۋینا،  ئیسایچ متاومێ ۋاچمیٛ دەرھەجیج یۆن جە دەگا زەریفەکا ھەورامانی.

نویستەی بەفارسی: ئیبراھیم شەمس

ھۊرگێڵنایش پەی ھەورامی : د.ناجح گوڵپی    2/8/2017  / 10و گەلاوێژی

 

 hewraman
  • دەگاو دەڵەمەرزی

    ئیجارە پەلیانەو هەورامانی ملوٙنە خزمەتو دەگا وەشەکیٛ دەڵە مەرزی ” دڵە مەرز ”  …
  • فەرەیدون بارامی

    پەلیانەو هەورامانی ئینا خزمەتو شاعیری فرە وەشەسیاو  هەورامانی ” فەرەیدون بارامی R…
  • هوٙنیار جەمال قادر پوور

    بەشو هەورامانی بشناسدیٛ جە پەلیانەو  هەورامانی ملوٙنە خزمەت یوٙ تەر جە شاعرە ناسک خەیاڵو و…
Load More In هەورامانی بشناسدیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئەوە وانایەو ڕەخنەیی پەی چوار کتیٛبا عادل محمەد پووری لوا ڕاوە

مەراسێموو پەردەلادای و ئەوەوانایۆ ڕەخنەیی پەی چوار کتێباو کاک عادڵ موحەممەدپووری جە شاروو …