یانە زانای BLOCK CHAIN  بلاک چین

BLOCK CHAIN  بلاک چین

62

 

BLOCK CHAIN  بلاک چین

جە جهانو کۆدنویسی و دادێ کامپیوتری

ڕەمزنیای سەرو ئا ئاگاییانە  کە جابجای با،یوەمین و کارئامەتەرین ڕان پەی وەرگیری و وڵاوبیەیشا.

ئەر ڕەمزو ئی دادێ و ئاگاییێ جە هەمارو کەس یا کومپانیێ بۆ کە دەسێش یاوۆ پەنەش، بەڕاسی متمانی پی کەسەیە یا ئی کومپانیە دور جە ئاوەزیا.

ئی نامتمانیە بی هۆ ساز بیەو ڕەوشێ بە نامێ “بلاک چین” یا “زەنجیرەو ئاگاییا”. چی پرۆسەنە جیاتی ئانەی دادە و ئاگایی جە یەک گلێرگا بە شێوازو پەڕ و کۆگایی پارێزیا،هەر ئەندامێ چی زەنجیرەیە فەقەت ئاگاییێ ئەندامو دمایینو وێش  مزانۆ و دەسێش پەنە یاوۆ. یانی ئەندام و ڕزەو وەڵینو وێچێش مەشناسۆ.

ئی ڕەوشە چاوەڵی پەی کاربەری کەردٚەو وجاردا(پرداخت)جە بەشو تاریکو ئێنترنتی بە کار لوێ.

“دارک وب” یا ئێنترنتی تاریک،نامێ بەشێ جە تۆڕو جهانیەن کە ئانزانێ هەکێر و باهۆشێ غەیرە ڕەسمی کۆدنویسی پەی وێشا وەش کەرێنێ و سازنێنێ.

ئی پرۆسە بی هۆ تەشک گێرتەو جۆرێ جە بازرگانی ئێنترنتی و پاسە سودٚئاوەریش وەش کەرد کە فرەو جە دادٚوئەسەو(خریدوفروش) ئێنترنتی پسەو:  دزی بانکی٫ئێستفادەی سکسی ٫مەوادی موخەدر٫و تێجارەتو پەڕسودو تفەنگیچ پی جۆرە ئەنجام بێ.

دماجار، پوڵی ئێنترنتی بە نامێ”بیت کوین”بەرئاما و سازبی.

وەختارێ “بیت کوین” میانو مامەڵەکەرا جابجا بۆ،ئێتلاعاتش جە هیچ بانکێو سەبت مەبۆ. یانی فەقەت ورەشیار(فروشندە) چەنی سانەرو کاڵای جە ڕاو شناسەو مەجازی(ئێنترنتی) یۆترینی مشناسان.

ئارۆ دەسەکەم پەنج ئەرزێ ئێنترنتی هەنێ کە تاومێ متەمانیشان پەنە کەرمێ.

بیت کوینیچ بە گەشەو فرەتەر جە ۱۰۰۰٪ کە جە ساڵەو ۲۰۱۷ ی  بە دەسێش ئارد، تاواش تا حدودو ۲۰ هەزار دولارێ بە عەیوەزاو هەر یوەی(واحد) پیشڕەوی کەرۆ.

پی جۆرە” بیت کوین”، ڕەوشێ نەو وتازەش خۆڵقنا کە ئیسە پەنەش ماچان:  ” بلاک چین ”

بلاک چین ئەندامو تازە پەنە یاواو جهانو ئێنترنتیەن ، پی جورە کە دەسەڵات و هازەو مافیایی کومپانی گەورەکان چەنەشا گێرۆ.

یانی عانێ کە “اپل” و ” مایکروسافت” بە  بەدەس ئاردەو ئێتێلاعات و دادێ بە نرخێ و سەبتو ئی دەستاوەردانە جە سەرچەمە یاساییەکا، جە پاگێرتەو ڕەقیبەکاشا وەرگیری کەرێنێ.دماتەر بە ورەتەو ئی دادا، میلیاردها دولار قازانج بەرێنێ ، بەڵام ئی سودئاوریە پی زوانە کۆتاییش مەی.

 

یانی”بلاک چین” بەشداری وردەپا و کەسانێ کەم توانی بازرگانیچ جە مێدٚانو کەڵە ئێقتسادی جهانی فەراهەم کەرۆ.

سەرمایەدارێ گەورێ جهانی پی جۆرە نمەتاوا وەرگیری سەرمایەدارە وردی و کەم توانی ماڵی کەرا.

وێ نماناو پوڵی و بازرگانی پەی گردٚکەسی فەراهەم بۆ و پی جۆرە  چواردیواری یانەو قەدٚەخە کریاو کومپانیە گەورەکاو و سرمایەدارە نامیەکاو جهانیچ ماڕیۆ.

مەسەڵەن عانێ جە سەنعەتێوەنە، ئەر پوڵدارێ یام کارخانەدارێ نەزانۆ کە مابەقی سەهامی(بەش) ئینا دەسو کێنە، توشو شکەستی ماڵی و پوڵی بۆنە و توانو چەقەکەردٚەی ماڵیچ جە دەس مدٚۆنە.

ئیسە کومپانی”Global Blockchain Technologies Corp” خەریکو سازناو ئی هەرمانێنە.

ئی کومپانیە خەریکا پلانە مجۆ سەرو ئینترنتی بە پایەو”بلاک چین”ی.

هەرپاسە شرکەتو”Blockstream lnc” خەریکا چن ماهوارێ و سەتەلایتێ ڕوانەو ئاسمانی کەرۆ.

ئی سەتەلایتێ بە “بلاک چین” پەیوەندیشا هەن و پی جۆرە هەنگامێ گەورێش پەی ئازادی ئاگایی و پەیوەندی ئازاد و کەڵک گێرتەی جە پوڵی ئینترنتی هۆرگێرتێنە.

ئی سەتەلایتێ بە شێوازی زەنجیرەیی، و بە پەیوەندی چەنی یەکترینی، ئێنترنتی مفت کیانا پەی تەمامو جهانی.

بەڵام کرێڵی تەرین بابەتێ کە جە بارەو “بلاک چین” ی مشیۆ واچیۆ ئینەن:

بلاک چین پسەو جادێ و ڕایە مانۆ کە پەڕا جە چاڵ و گرفتا ، ئەڵبەتە نە پەی گردٚکەسی، بەڵکو پەی ئا کەسانە گەرەکشا بۆ بلا دلێو کۆد و ڕەمزو دیگەرانی و زەرەر یاونا بە خەڵکی، یانی ئیتێر پسو جارانی نمەمانۆ .

ئەر کەسێ گەرەکش بۆ کۆدو پارێزەرو کامپیوترا ماڕۆ و هەک کەرۆ، مشیۆم یانە بە یانە و یۆ به یۆ سەرگنۆ تا یاوۆ پا ئارمانیشە، کە ئینە جە “بلاک چینەنە”  دوردەسەیاوا و نمەکریۆ.

بلاک چینشا پسەو مێدٚان مینی تاریف کەردٚەن کە ویەردەی چی مێدٚانەنە بەڕاسی مەکریۆ.

دەس یاوای بەگردٚو تۆڕو ئینترنتی و هەرپاسە کاربەرێ پەیوەندی داریچ چی  “بلاک چینەنە ” بەڕاسی شاکارا  ، یانی ئەسڵەن دور جە زەینو ئانزانیا کە تاوۆ دزە کەرۆ دلێو پەلیاناو ئێنترنتی.

چن ساڵێن”مایکروسافت” و کۆمپانی گەورەو”لاکهید مارتین”و ئامریکایچ خەریکو کاروبار بە پایەو بلاک چینیەنێ و جە زەمینەو نزامی و جەنگ و گەشەو سەرمایەی، چی تکنولوژیه ئێستفادە کەرا.

موبایلو ” بلک بری” یۆ تەری چا شرکەتانەنە کە سەرو بلاک چینی خەریکا کار کەرۆ.

ناحەزێ بلاک چینی(زەنجیرو ڕهایی) چێش ماچا؟

ئی گروهە پی باوڕەنێ کە بلاک چینی بۆ هۆ وەربیەو ئازادی نابەسامانو بازرگانی.

یوەمین ئیراد و ڕەخنێ کە جە بلاک چینی گێرا ئینەن کە کەڵک گێرتەی جە یەک تۆڕی کۆبیەو سەتەلایتی کە جە سەرو بلاک چینی هەرمانە کەرۆ، بۆ هۆ ئینەیە کە گردٚو سەرچەمای “دادە و ئاگایی” جە یەک گلێرگا کۆ باوە و پی جۆرە هەر بۆوە بەزمەکەو جارانی!.

یانی ئی سەرچەمە پسەو “گوگل” و “فیس بوکی” ڕەفتار کەرۆ و گردٚو دەستاوەرداو بلاک چینی توشو مەتەرسی مکەرۆ.

“بلاک چین”جە هیچ “سروێر”ێ پەشتیبانی نمەکریۆ.یانی هیچ “سروێر”ێ نمەتاوۆ جه هەرمانێو بلاک چینی وەرگیری و یا حەتا دەستور دۆ.

جە واقع کەردەوەو(عمل) بلاک چین ترازیا جە گردو سروێراو جهانیەن و سەربەوێ کار کەرۆ.

جەماعەتێ تەری جە ناحەزا پی بڕواینی کە بلاک چین، قانونو جهانی توشو ” بێ ڕاهەی”  کەرۆ.

یانی قانون و یاسای جهانی شفحە ، (ناقص)بۆ و گردٚ کەس گنۆ سەرو کڵاو وێش.

چالاکی ئێقتسادی ڕەسمی جهانی بۆ بە هەرکی به هەرکی و سامان و سیستمو بازرگانی جهانی جە کونتڕوڵو ڕێک و پێکی ترازیۆ.

مامەڵەی ناشناسی چەنی یەکترینی فرە  و متمانی کەمتەر بۆ.

یانی کەسێ کە خەریکا چەنی یۆتەری جە بلاک چینەنە هەرمانێ تجاری کەرۆ پەیش دیار نیا وەراوەرو مامەڵەکەیش کێن و چە کەسێوا. و ئینە یانی هەنگامێ مەتەرسی دار پەی دماڕۆ ئانزانی.

بازارو ڕەشو ئێنترنتی وەش بۆ وسەرمایە و پوڵو سەرمایەدارا بەرەو لاو چالاکی قاچاخو ئێنسانی و موادی موخەدر و تفەنگی و هەرمانی خرابتەری مڵۆ.

ئەڵبەتە هەڵای شمارو ئا کەسا و ئا کومپانیا کە جە ڕەوشو “بلاک چینی” پەشتیبانی و حەزێش پەنە کەرا جە شمارو ناحەزاش فرەتەرێنێ.

تا ئیسەتێ میلیاردها دولار خەرجو و هەزینەو ڕاوستەو بلاک چینی کریان.

وەلێم دماڕۆ ئی هەرمانێ هەڵای نادیارا و فرە یاگێ پرسیاریش هەن و ئینە تاوۆ خزمەت کەڕۆ و قازانجێش بو پەی ئێنسانی یا زەرەر ، مشیۆ بنیشمێ دیارۆ تا بزانم چێش قۆمیۆ.

 

Block chain/ زنجیره بلوکی  ، داده(دادٚێ) /ئاگایێ ئێنترنتی٫

 

 

سەرچەمێ دەردواردٚێ ئێنترنتی ، کد/کۆد/code ….

Dark Web   بەشو ڕەشو ئێنترنتی ،  بخش سیاە ئینترنت

Bitcoin/بیت کوین  ….  Currency/پوڵی لاێدٚەی/پوڵو بێگانەی   ،  [ارز-ئەرز]

 

Black Berry/بلاک بری…

Microsoft/مایکروسافت

Apple/اپل

Lockheed martin/لاکهیدمارتین

نویسەر :  ماکوان هەورامی

 hewraman
  • یوزی Uzi

    یوزی Uzi[עֻזִּיאֵל] جهانو “جەنگ ئاسن”ی (جنگ افزار) نیاز بە تفەنگێ سوک و وەش دە…
  • سڕ و نهانو ئی ویٛنەیە چیٛشەن!؟

    سڕ و نهانو ئی ویٛنەیە چیٛشەن!؟ ماجراو بەڵاجەوی وێنەو دایناسورێ(Dinosaur) کە بە دەسی سەرباز…
  • قارژنگەو نارگیلیٛ

    قارژنگەو نارگیلیٛ ”  قرژانگەو نارگیلی ” قارژنگەو نارگیلیٛ گەورەتەرین سەخت پۆسو…
Load More In زانای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئەوە وانایەو ڕەخنەیی پەی چوار کتیٛبا عادل محمەد پووری لوا ڕاوە

مەراسێموو پەردەلادای و ئەوەوانایۆ ڕەخنەیی پەی چوار کتێباو کاک عادڵ موحەممەدپووری جە شاروو …