یانە ئەدەب و هونەر ئەوەکۆشیای شۆڵەو ئاواتیوی چووزەنەپڕای

ئەوەکۆشیای شۆڵەو ئاواتیوی چووزەنەپڕای

32

ئەوەکۆشیای شۆڵەو ئاواتیوی چووزەنەپڕای

(بۆنەو ساڵڕۆ شیمیایی شنیای شاروو نۆدشەی) خەریک بێ سیاوکاموو سیاوی زمسانی ئەرەتەمیای چنی سەوزەڵانی وەهاروو وەشیەکا یاگەفاڕێ کەرێ ناخافڵ چانەیە سەرساعبوو ویسو ششوو سیاوکامی بۆ بە ویەرینیوی تاڵ،سۆڵ و جە ویر نەکریا پەی نۆدشەی.دمژمار دە و یانزە دەیەقێ ساعبی هاڕەو تیارەکاو سەددامی گۆڕبەگۆڕی پێسە ئی حەوت ساڵەیە دلێڕاسەو ئاسمانوو حەزەکاو زاڕۆڵە چەم نەخشینەکاش ئەشکاوا و جیای پۆشتە بیەیشا بە  جلە تازە ورازیاکاشا  ڕۆشنای ڕۆکەیشا بنەڕۆوە دیاری کەرۮ!

عەینوو گرۮ جاریوی بۆمبە وێرانکەرەکێشا متێ ملوو نۆدشەیرە بەڵام ئی کەڕەتە بۆبرامەشا فرە پیستەر بێ ، هەر کەوتێ بوومەکەی ئێتر قیژێ و هاوارێ، گۆشێ فەڵەکی زرینگنێنێوە.خەڵكی گیروارۮە و پەک کەوتە حەیبەتیێ بێ دەسەڵاتیشانە نووزەشا تەنیا وەروو بەرەو خواڵەی بەر ئەیوە!.ئاخ چ نێگبەت ساتێو بێ.دویەر کاتژمارێ شۆنیەرە خەڵكەکەی زاناش شیمیایی شنیان.بەداخەوە دیسانەوە یۆ جە وەحشیانەتەرین هەرمانەکا وەڵاتە داماگەکەو ئێمەنە قۆمیا!.

ڕوێو دماو شیمیایی کەرۮەی هەڵەبجەی،نۆدشەیچ کەوت وەروو پەلاماروو یۆ جە گەورەتەرین فاشیستەکاو گرۮوو ویەرینوو بەشەری و خەم و پەژارێ وجارای بی بە نانۆ سەروو خوانێش!.

چا سەرەوەختەنە بەپاو ئانەیە تاوانوو هەڵەبجەی برینەکەش فرە سەخڵەت و زامەکەش سارێژ نەکریا بێ،نۆدشە کەوت پەشتۆ کەنۆڵا و کەسی هەواڵ نەپەرسا! تا ئەۮالە تازیەبارەکێ کۆنجێڵەو تەنیاییشانە پەی جە دەس شیای ڕۆڵەکاشا هەرسی تارسەی مجارە و ئاواتەکێشا چووزەنە پڕا و بەروبووم قات وقڕ گێرۆ.بەپاو بەڵگە تۆمار کریاکا ئا ڕوە سێنزە هام وەڵاتیێ شەهیدێ با و زیاتەر جە سەۮ نەفەرا بریندارێ با.

هەر وەرەنە کە خەڵك مەیوە پوێرە و تا ئی وەختە ئامەشۆ گلێرگا پزشکیەکا کەرا نزیک بە یەرەسەۮ و پەنجا نەفەرا کەم و زیاۮ گیرووۮێ با و هەڵای شۆنۆ سی ساڵارە وەرێژێ گیانیێش مەتەمامیا و بەداخەوە دمایین شەهید چی پێڕێ حاجی حەبیبۆڵڵا یاقۆبی بێ کە ڕۆ ویس و یەکوو ئی مانگێ پەی هەتا هەتای ئێمە و دنیاش ئاستیمێ جیا.

چا ڕوانە ڕۆژمارەکێ وەرمیوی قۆرسی گێرتێبێنێرە و بە هیچ بەزمێو هایشا نەبێوە،هەرچی هاوارێ کەرێنمێ پێسە بێ ئاوی دەی هێڵەکەرە !.پاسە وەرمی بەرۮێبێنێوە واچینی فێڵێ بەرە کەراوە و گەرەکشا نیا بزانمێ هایشانە نەکا دماوە واچمێ کۆن ڕۆ ئێمە و کۆن ویرەوە کەرۮەی زامە قەرەبوو نەکریاکەو نۆدشەی دایمە سەربەرزی!.

ویژدانە ئینسان دۆسەکێ وەرنیشتیچ هەر ئانێ چێرەنە شیمیایی دێنێ فاشیستەکا و سەرەنە وێشا دۆسوو نەتەوە چێرچەپۆکەکا نیشانە دێنێ ئا ڕوە بە ڕواڵەتیچ هاگاۮارێ نەبێنێ و ئەنقەسی پاسە دێنێ چەمەوە هەورێشەوەرما زۆر پەی ئارۮێنێ!.

کامێراو هیچ یاونەریویچ شارژش نەبێ ، هەر یاوێنێ نزیکی وەڵاتیما وێشەوە جە کاری گنێنێ و کۆشیێنێوە!.

ئا ڕوە خامە دەسوو هیچ نویسەریویەنە نەنویسێ،ئەجۆم ئاۮێچێ دەواتەشا تەمامیابێ!

هەستوو هیچ هۆنیاریویچ پەی ئا نەۮامەتیە نەژڵێویا و خەپ کەوتێبێنێ!.

چا ڕوەنە گۆشێ کپێ و چەمێ قووجیای و دەسێ کەوتێبێنێ لارە تا هیچ وێنێو پەی ویەرینی تۆمار نەکریۆ و ڕاسیێ دریا سێدارە بەڵام خۆ  زامە پەترۆک نەبینیاکێ بریندارەکا جەسە مانیاکاشانە یادگارێوا پەی شاهێۮەتی مەینەت و مەرارەتیوی ڕادەبەدەری کە نۆدشە و خەڵكە ئازا و چەم نەتەرسەکەیش کێشتەنشا و ڕوەشا درژە نەکەرۮێنە.

نەفەسێوە چی سی ساڵەنە بە دەرۮەداری جە سینەشانە دریاینە بەر و ئاخەنیاو داخ و زۆخاوێ حەسرەتی پەڕۆ نەکریای بیێنە.

هەڵای شۆنۆ ئاننە ساڵارە شۆنەماو شیمیایەکەی بەرەکەما وەر مەۮۆ و ئازیزێ هەنێ با بە ڕاویارێ تووڵەڕاکۆ ئەو شەهیدەکا، گنا تێكەڵوو پێڕەکۆ نازارا و پەی یەکجاریچ بیەبۆ سەروو ئیسراحەتی، بێ قۆزای و هەناسە سوار بیەی،سای سەهەنۮێوەنە بسیاوە.

 

یاۮوو گرۮوو کۆچکەرۮەکا ئینا دڵمانە و هەرگیزاوهەرگیز لامەشۆ

 

ئۆمید حەبیبی 26و سیاوکاموو 1396ی کۆچی ڕۆجیاری

 

  • وێنە نویستە

    وێنە نویستە ئێگە”پولینیزیا”وفەڕانسەیەن، میان ئاوێ جە پاناوو”ئارامی پانیش…
  • هاگاڎاریێوە جە گجارنامەو ڕوٙجیاریوە

    هاگاداری گجارنامه‌و ڕۆجیاری[فه‌رهه‌نگی، ئه‌ده‌بی و هونه‌ری] به‌ فورم و شێوازێوی‌ تازه‌ و ئ…
  • تەوەن نیگارەو هەورامانی

    تەوەن نیگارەو هەورامانی یۆ جە شۆنەماباستانی و کۆنێ کە جە وەڵاتو ئێرانی و سەرزمینو هۆرامانی…
  • وێنە نویستە

    وێنە نویستە ئێگە”پولینیزیا”وفەڕانسەیەن، میان ئاوێ جە پاناوو”ئارامی پانیش…
  • هاگاڎاریێوە جە گجارنامەو ڕوٙجیاریوە

    هاگاداری گجارنامه‌و ڕۆجیاری[فه‌رهه‌نگی، ئه‌ده‌بی و هونه‌ری] به‌ فورم و شێوازێوی‌ تازه‌ و ئ…
  • تەوەن نیگارەو هەورامانی

    تەوەن نیگارەو هەورامانی یۆ جە شۆنەماباستانی و کۆنێ کە جە وەڵاتو ئێرانی و سەرزمینو هۆرامانی…
 hewraman
  • بانگوو ژەنێ دلیٛ شەوەو نەریتینە

    بانگوو ژەنێ دلێ شەوەو نەریتینە لاکەردەیۆیێ جە شیعرێ ـ مەهوەش درووستکاریٛ. شیعرەکێ: ئاسمانو…
  • تەمەن 

    تەمەن  زمسان بار و بنەش هۆر پێچابێ ، شەوێ واتم سۆحا هایم بیوە، گجیە سوورەکەیم کەروو وەرم، …
  • خنیکیای سیروانی

    خنیکیای سیروانی ئەهوورا مەزدا و پیر شالیار، تەسکینوو دڵیشا هاژەو دەرەوەزەنا و قاسبە قاسبوو…
Load More In ئەدەب و هونەر

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

وێنە نویستە

وێنە نویستە ئێگە”پولینیزیا”وفەڕانسەیەن، میان ئاوێ جە پاناوو”ئارامی پانیش…