دەگاو دەلی

63

“دەگاو دەلی”

هیچ بەڵگیە نیا کە سەلەمنۆ دەل یانی چێش و چکۆوە ئامەن بەڵام هەنبانە بۆرینەو مامۆسا هەژاری جە کەلیمێ “دلیر”فارسی بە ماناو چاونەترس و عازاو زرنگی ئامەن.

دەگاودەلی  هەن جە پارێزگاو کورسانی و سەربە شاروو سەوڵاوای وجە 43کیلوومیتری ئی شاری قەرارش گێرتەن.

هامسای دەگاودەلی :

جە پانیشت دەگاو زۆمی و دەگاو دەڵەمرزی

جە سەرنیشت. دەگاو ژریژەی

جە وەرکەوت. دەگاو کۆلیژی

و جە وەر نیشتش دەگاو ڕواری

دەل یۆجە دەگایە وەشە دڵگیرەکاو هەورامان تەختینەو نزیک بە هەزار نەفەرێ جەمعیەتش هەنو 250 یانێ حاڵی حازر جەدەگاو دەلینە خەریکێ ژیواینێ.

دەگاودەلی روو بە کۆ شاهۆی مەرزیاینەرەو ڕۆخانەو سیروانی جە پانیشتش عبوور کەرۆ و ساحیوۆ هەوارە وەش وبەرزەکەو هەیشوورین کە بۆناو دڵگیری و وەشیشوە بیەن شێعرەو گۆرانی واچاو …

واچدێ پادەلیا بلاوە هەیشوور

بڐاوە پووشانە سوورهەراڵەی سوو

خوڵکوو دەلی سەرقاڵێنێ بە کڵاش کەردەی و تەنیا ڕاو بەرئاردەی خەرجوو ژیوایشا کڵاش کەردەین و تەنیا دیوەر یانێ سەرقاڵێنێ بە ئاژەڵ داری.

کڵاشوو دەلی بەناو بانگا ، هەرپاسە کاسو چەمچە تاشتەی هەڵای مەنەن دلیٛ دەگاو دەلینە 

چوون ئاوی کەمەنە دوێ یەرێ دانێ باخێ زیاتەرش نیەنێ .

ویردەو دەگاودەلی

هەورامان بەعام ساحیوو ویردەیە فرە کۆن و دوورین و دەگاودەلیچ چی بوارنە بێ بەش نیا.

دەگاو دەلی یاگێ زەرتۆشتیا بیەن و بەڵگەو ئی قسێ ئانێنە کە، مەڕێ بەنامێ مەڕەو گەوراش چەنەنە و بوومە گەورێ یا یاگێ گەورەکا ،

هانەو شالیاری و مەحەلێ شالیاری و کەلەهووم کە (هووم)گیوایە مۆقەدەس بیەن کە پیسەو شەراوی جە مراسمێ زەرتۆشتیانە وریان. و هەرپاسە ساحیوۆ نەقشوو نگاری کۆن قەڐوو دیواروو مەڕاوەهەن.

مەدرەسە وئبتدائی(بنەرەتی)وڕاهنمایی ش چەنەن، ساحیوۆ تەلفوونی و ئنترنتێ پۆرسۆرعەتین(گرژ)وومەرکەزبێهداشتش چەنەن وتەنیا شش کیلوومێترێ جاڐەی خاکیش هەن.

جەدەگاو دەلینە قورعانی دەس نویس هەن و ماچا هنوو ژەنیە بەنامێ خاتوو شیرینێن کە زیارەتش هەن دلێ زایرەتەڵاو دەلینە و ئیسە جە مزگی دەلینەهۆرگێریۆ.

قەڵاتی پیرە غەریوەی هەنێ پەشتەو دەگاودەلینە کائاڐیچ پەی بریە جەو خوڵکی قەداسەتش بیەن و جۆمعانی چا زکرشا کەردەن.

پیرمۆحەمەد و سەوزەپۆش هەنێ دلێ زیارەتەڵاناودەلینە.

دەگاودەلینە خانێ و بەگێ جانیشتێ بیێنێ و قادربەگ وحەمەعەلی بەگ و… شۆناو ئاڐیشایچرە حەسەن خانوو ڕەزاوی و حەمەڐ خان  چننها ساڵێ دەلنە بیێنێ و تا تەقسیم ئەرازی . دەورانشا تەمام یۆ .

شاعێرو عالم ودەلی تاومێ نامێ مەڵاعەودڵای بە نامێ شێعریە ،،هێجرانی،،بەرمێ کە ئنسانیە ژیروئاوەزدارو ساحیو قسە بیەن کە زەمانەو زووی ئانەش وسەن بەر کە واتەنش :دنیا کاریەش سەرمەی ئاسن گنۆ ئاسمان،ڕای نزیکێ باوە و…

خاتوو عەزرا کە جە سەیێڐاو کەلجی بیێنە و سەواڐ دارە بیێنە دەرسوو شەرعێ و شێعرێش فێرێ کناچاو ئازەمانەی کەردێنەو جەبەشیە  جەزیارەتەڵاو دەلینە بەنامێ (ئەلێریان)ئەسپەردێ کریاینە.

شوورای دەگاودەلی ساڵەو85ش جە وەڵاتوو ئێرانی بیێ ئەوەڵ و دەسوو سەرۆک کۆماروو وەختی تەقدیرشا کریا چەنە(دەل جادەش دوور بیەن و سەخڵەت، خەوڵک بە خەرجوو وێشوە و بە بیڵوو زەنگەن جادەشا تا دلێ دەگای کێشت پی بۆنەوە ئی کارە ئێرانە دەنگش داوە و یاوا کاخەو سەرۆک کۆماری)

چێویەتەر کە وەشا وچیۆ زەمانەو زووی کە جادە ئەسڵەن دەگاودەلینە نەبیەن نزیکەو سی کیلوومیترا کە مەحاڵیە کوێسانین ، تراکتۆرشا کوتەکوتە کەردەن و بە شانە و لۆسێ تا دلێ دەگای ئاردەنشا وچا هۆرشا وستەنوە و کشت وکاڵشا کەردەن پەنە.

خۆڵکوو دەلی مێمان نەوازا و پی بۆنەوە نامداراو نمازا غەریوە دەگانە مەنۆوە بە عارش زانا و حەتمەن مشۆم خۆڵکە کریۆ یانە.

ڕەسمیە کۆنە کە دەگاو دەلینە بیەن و ئیسەیچ بەردەواما

“مەراسموو داواتی بیەن”

پی سوورەتنە کە ئەوسا چوون ماڵیات یاحەیوانوو چێو فرە بیەن گرکەس یانەو وێشنە بزیە یا مەیە یا گۆرەکیەش سەرە بڕیەن لتیەش دانش خەیرێ یا سەرجەم حەیوانە وردە بەرێنێ و دلێ زیارەتەڵانوو دەگاینە سەرەش بڕاو بەشش کەراوە فەقیرارە و حەتمەن بەشوو مێمانی مڐاو تا ئاگەیچ کریۆ یانەیچ بێ بەش مەکەرا.

ئی ڕەسمە بە درۆشموو (سەڐەقەو زیننا وخەیر وبەرەکەت پەی پیرا یا مەردا)

 گرد پاییزیە ملۆ ڕاوە کە ئیسە چوون حەیوانە وردە کەم بیەنوە جۆریەتەر ملۆ ڕاوە .

پەی ئامەی پەی دەگاو دەلی تاوی چی یاگارە بەی

کامیاران .ژریژە.کۆلیژ.دەل

مەریوان،سەوڵاوا.ژریژە.کۆلیژ.دەل

یا جە ڕاو قایەقیرە سەدوو داریانی

هەجێج. تا دەگاو زۆمی بە قایەق کریۆ بلی پەی دەلی . کە داوا کارێنمێ جە  گەشتیارێ و خوڵکوو هەورامانی سەردانوو دەگاو دەلی کەردێ

 

حسەین خوورا

 hewraman
  • ده‌گاو ژیواری 

    ده‌گاو ژیواری  وەڵیٛ جە گرۮ چیویٛ ژیوار واچیٛنە بە ماناو ژیوای و زیٛندەگی کەرۮەی و یاگیٛ ن…
  • یاد٘ێ جە کاک نەسرەدین شەریف زاد٘ەی

    ▪▪ئاخ چند٘ سەخت بێ کۆچی ناواد٘ەت؟! من و خیاڵ و هانە و هەوار پاڵوو تاقڵێ هەراڵەبرەمانە چەنی…
  • دەگاو هەجێجی

    دەگاو هەجێجی باس کەردەی جه بنەڕەتوو هەر دەگایوێ جه ڕوانگەو ئاکادمیکیەو سەختا و چیبۆنەو پەی…
Load More In هەورامانی بشناسدیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

یوەمین “ئەنیمێشن”و جهانی

یوەمین “ئەنیمێشن”و جهانی جە سەرزەمینو باستانی”شاری سۆتە” جە ٦٥ کیل…